Хуучирсан мэдээ: 2022.04.21 01:22 -д нийтлэгдсэн

"Монгол Улсын газар хөдлөлтийн гамшгаас хамгаалах чадавхыг бэхжүүлэх төсөл 2-р үе шат" хурал боллоо

Densmaa TSog-Erdene

2022.04.21

"Монгол Улсын газар хөдлөлтийн гамшгаас хамгаалах чадавхыг бэхжүүлэх төсөл 2-р үе шат" хурал боллоо

Японы Олон Улсын хамтын ажиллагааны байгууллага /ЖАЙКА/-аас "Монгол Улсын газар хөдлөлтийн гамшгаас хамгаалах чадавхыг бэхжүүлэх төсөл 2-р үе шат" төслийн нээлтийн хурал 2022 оны 4 дүгээр сарын 20-ны өдөр Онцгой байдлын ерөнхий газарт боллоо.

Тус төслөөс газар хөдлөлтийн тэсвэрлэлтийг сайжруулахад шаардлагатай бодлого, тогтолцоо, технологийг бүрдүүлж, олон нийтийн чухал ач холбогдол бүхий барилга байгууламжийн газар хөдлөлтийн тэсвэрлэлтийг хангах, хүчитгэх цогц үйл ажиллагааг хэрэгжүүлэх тогтолцоог бий болгохоор төлөвлөж байна. Төслөөс дараах 4 үр дүнг бий болгоно. 

 Газар хөдлөлтийн тэсвэрлэлтийг сайжруулахад чиглэсэн стратегийн бодлого тогтолцоог шинэчлэн боловсруулна.

 Барилга байгууламжийн хүчитгэлийн зураг төсөл боловсруулах, барилгын хүчитгэлийн ажилтай холбоотой норм дүрмийг шинээр боловсруулж мөрдүүлнэ.

 Газар хөдлөлтийн тэсвэрлэлтийг хангах цогц үйл ажиллагааг хэрэгжүүлэхэд оролцох төрийн албан хаагч болон зураг төсөл, угсралтын инженерүүдийн чадавхыг бэхжүүлнэ.

 Иргэдийг гамшгаас хамгаалах сургалт арга зүйн төвийн газар хөдлөлтийн тэсвэрлэлтийг сайжруулахад чиглэсэн сургалт, таниулан сурталчлах үйл ажиллагааг хэрэгжүүлэх чадавхыг бий болгоно.

Барилга, хот байгуулалтын яам нь уг төсөлд тэргүүлэх чиглэлээр оролцож 2, 3 дугаар үр дүнг ахлан ажиллахаар болсон бөгөөд төслийн хугацаа нийт 4 жил үргэлжлэнэ.