Монголын архитекторуудын эвлэлийн удирдлагууд Хот байгуулалтын асуудал хариуцсан төрийн захиргааны байгууллага "Газар зохион байгуулалт, геодези, зураг зүйн газар", тус агентлагийн Хот байгуулалтын хэлтсийн хамт олонтой хамтран ажиллах чиглэлээр уулзалт /2022.03.29/ хийлээ.
МАЭ-ийн Ерөнхийлөгч Э.Хүрэлбаатар “Хот байгуулалтын хөгжлийн чиг хандлагыг тодорхойлох, хот суурины төлөвлөлтийн дагуу газрыг зөв зохион байгуулах гол үндэс, суурь нь Газрын цахим мэдээллийн систем, хот байгуулалтын нэгдсэн мэдээллийн сан байх ёстой” гэдгийг онцлоод Хот байгуулалтын бодлого, үйл ажиллагааг хариуцан ажилладаг Аймаг, нийслэл, хотын ерөнхий архитекторуудыг мэргэжлийн арга зүйгээр чадавхжуулах, Ёс зүй, хариуцлага, эрх зүйн орчныг нь сайжруулахад МАЭ хамтран ажиллахаа илэрхийллээ.
Мөн Хот байгуулалтын баримт бичиг боловсруулах эрхийг олгох, хугацааг сунгах, тусгай зөвшөөрлийн үйл ажиллагаа цахимд шилжсэнтэй холбоотойгоор түүнийг хэрэгжүүлэх ажилд салбарын ууган мэргэжлийн ТББ -ын хувьд орж ажиллах, Хот байгуулалтын баримт бичиг боловсруулах тусгай зөвшөөрөлтэй аж ахуйн нэгжүүдийг чанаржуулах, чадавхжуулах шаардлагатай талаар ярилцлаа.
Хот байгуулалтын салбарын хөгжлийг дэмжих, хууль эрх зүйн орчныг боловсронгуй болгох, Аймаг, нийслэл, хотын ерөнхий архитекторуудыг чадавхжуулах, бүтцийг зөв болгох, салбарын үйл ажиллагааг мэргэжил, арга зүйн удирдлагаар хангах, олон нийтэд түгээх, сурталчлах, хот төлөвлөлтийн дагуу газрын харилцааны тогтолцоог бий болгох, Олон улсын архитекторуудын байгууллага, ерөнхий архитекторуудтай туршлага солилцох чиглэлд хамтран ажиллах боллоо.
Дээрх чиглэлүүдээр хамтран ажиллах санамж бичиг байгуулахаар тохиролцлоо.
Сэтгэгдэл