АНУ-ын 35 дахь Ерөнхийлөгч агсан Жон Кеннедигийн Вашингтон хот дахь хуучин гэрийг худалдахаар болж одоогоор 4,6 сая америк доллараар үнэлжээ.
Жоржтаун хороололд байрлах энэхүү түүхэн барилгыг 1800 оны үед барьсан бөгөөд алдарт архитектор Ричард Фостер, нэрт уран барилгачин Том нар бүхэлд нь сэргээн засварласан юм.
Нийт гурван унтлагын, дөрвөн угаалгын өрөөтэй бөгөөд хоёр ил зуухтай. Гал тогооны тавилга нь боржин чулуун тавцантай ба гал тогоогоор дамжин гадагш гарах тагттай, ажлын өрөөг дээд зэрэглэлийн модон тавилгаар тоногложээ. Энэхүү гэрт Ерөнхийлөгч агсан Жон Кеннеди эгчийнхээ хамт 1949-1951 оны хооронд амьдарч байсан юм.
Сэтгэгдэл