2020 онд Нийслэлийн 13 байршил гэр хорооллын дахин төлөвлөлтөд орно

• Хот байгуулалт, хөгжлийн газраас (ХБХГ) Архитектур төлөвлөлт даалгавар, барилгын загвар зураг батлуулахад тавигдах шаардлага, түр хашааны стандарт болон гэр хорооллын дахин төлөвлөлтийн талаар /2020.02.07/ мэдээлэл хийсэн юм. Нийслэлийн Хот байгуулалт хөгжлийн газраас 2020 онд ашиглалтын шаардлага хангахгүй барилгуудыг дахин барилгажуулах, гэр хорооллыг дахин төлөвлөлтөд оруулж барилгажуулах гэсэн үндсэн хоёр томоохон чиглэлд анхаарч ажиллах юм байна. Улсын байцаагчийн дүгнэлтээр нийслэлийн хэмжээнд болзошгүй газар хөдлөлтөд тэсвэргүй, ашиглалтын шаардлага хангахгүй нийт 106 барилга байгууламж байгаа бөгөөд эдгээр барилгыг буулган шинээр барилгажуулах юм.

• Харин гэр хорооллын дахин төлөвлөлтийн хүрээнд Улаанбаатар хотын Баянзүрх дүүрэгт 9, Сонгинохайрхан дүүрэгт 2, Чингэлтэй дүүрэгт 2 гээд нийт 13 байршилд төслийг хэрэгжүүлэх бөгөөд аж ахуйн нэгжийн сонгон шалгаруулалт явагдаж байна.