Хаягдал төмрөө тонныг нь 160 мянган төгрөгөөр Монголынхоо ганц үйлдвэрт тушаахыг үндэсний үйлдвэрлэлээ дэмжигч аж ахуйн нэгж, байгууллага, иргэдэд хандан Дарханы төмөрлөгийн үйлдвэр уриалав.
Тус үйлдвэр 15 жилийнхээ ой угтаж түүхий эдийн нөөцөө нэмэгдүүлэх, хүчин чадлын ашиглалтаа өсгөхөөр ийнхүү хаягдал төмөр худалдан авах үнийг нэмж, эх орны хаанаас ч ирсэн тээврийн зардлыг нь үйлдвэрээс олгохоор шийдвэрлэжээ. Үйлдвэрийн ажил сүүлийн жилүүдэд сайжирснаар хүчин чадлынхаа 70 орчим хувийг ашиглаж, үндэсний томоохон татвар төлөгч үйлдвэр болсон юм. Цаашдаа Дархан-Сэлэнгэ дэх ордуудаа эзэмших замаар металлургийн комбинат болох хэтийн зорилттой байгаа ажээ.
МОНЦАМЭ
Сэтгэгдэл