Нийслэлийн Газрын алба төрөөс иргэдэд үзүүлэх үйлчилгээг өргөжүүлэх, түргэн шуурхай, хүртээмжтэй болгох зорилгоор "Нээлттэй хаалганы өдөр"-ийг дөрөвдүгээр сарын 2-нд зохион байгуулах гэж байна.
Энэ өдөр иргэн, аж ахуйн нэгж, байгууллагуудад лавлагаа, мэдээлэл өгөх, эрх зүйн туслалцаа үзүүлэх ажлыг зохион байгуулах аж. Мөн иргэд, аж ахуйн нэгж хүсвэл эзэмшиж, ашиглаж, өмчилж байгаа газрын /нэгж талбарын/ хувийн хэрэгтэй танилцах, кадастрын зургийг үзэж хэвлэж авах, газрын харилцааны талаарх ном гарын авлага худалдаж авах боломжтой юм.
Харин дүүргүүдийн газрын алба тус тусдаа "Нээлттэй хаалганы өдөр"-өө зохион байгуулах юм байна.
МОНЦАМЭ
Сэтгэгдэл