Мэргэжлийн барилгачид бэлтгэнэ

Улаанбаатар хотыг барилгажуулах асуудал сүүлийн жилүүдэд хүчтэй яригдаж барилга ч олноор баригдах болсон. Энэ олон барилгын компаниуд нь мэргэжилтэй боловсон хүчнээр дутмаг байдаг.  Тэгвэл Барилга, хот байгуулалтын яамнаас Барилгын мэргэжлийн ажилчин бэлтгэх тендерт шалгарсан Архангайн мэргэжлийн сургалт, үйлдвэрлэлийн төвийнхөн богино хугацааны сургалт эхлүүлэхээр бэлтгээд байгаа аж.  Тус сургууль хоёр жилийн хугацаанд мэргэжилтэй ажилчин бэлтгэдэг, сургалтын материаллаг баазтай бөгөөд 2007 онд багтааж барилгын гол мэргэжлийн 300 ажилчныг тендерт шалгарсан зардлаар нь бэлтгэх юм.Сургуулийн захиргаа барилгын мэргэжилтэй ажилчид богино хугацаанд бэлтгэх төслийн дагуу компьютер, барилгын материал, багаж, хэрэгсэл худалдан авч, багш мэргэжилтний тоог нэмэгдүүлсэн байна.