Хуучирсан мэдээ: 2019.11.05 19:45 -д нийтлэгдсэн

Дөрөв, таван давхар байрны дээврийг “газар” болгожээ

Barilga Barilga

2019.11.05

Нийслэлд "Мансард" төсөл хэрэгжиж, хотын төвийн дөрөв, таван давхар, хавтгай дээвэртэй байрнууд "бай" нь болсон. Нийслэлийн 270 гаруй байрны дээр мансард барьж гурван мянган айл орон байртай болно гэж тооцсон байдаг. Гэвч тэнд одоо амьдарч байгаа 17 мянга гаруй айл, 85 гаруй мянган иргэдийн хувь заяаг бодсонгүй. Төслийн хүрээнд ажил эхлэхдээ мансардуудыг гурван сарын хугацаанд дуусгачихна гэж байсан. Харам-салтай нь өнөөдрийг хүртэл барилгын ажил үргэлжилсээр. Оршин суугчдын тав тухыг алдагдуулах тул иргэд хоног тоолон суугаа гэнэ. Зарим . мансардыг холбогдох газруудын зөвшөөрөлгүйгээр эхэлжээ. Албан зөвшөөрөлтэй нь ч, зөвшөөрөлгүй нь ч барилгын дээвэр нурааж, дур зоргоороо аашиллаа хэмээх иргэдийн гомдол ирсээр байна. Баянзүрх дүүрэгт байрлах Сансар хорооллын 22, 24-р байрны дээвэрт эхэлсэн мансард барих ажлыг зөвшөөрөлгүй эхлүүлсэн тул Нийслэлийн мэргэж-лийн хяналтын газраас тухайн аж ахуйн нэгжүүдэд арга хэмжээ авч, барилгын ажлыг зогсоожээ.
Монгол Улсын иргэн хувьчилж авсан газар, орон байраа захиран зарцуулах, эзэмших хуулиар олгогдсон эрхтэй. Гэтэл мансард барих мэт ажиллагаанаас харвал тэдний эрхэд төр, аж ахуйн нэгж байгууллагууд дур зоргоороо халдаж байна, Төр хэмээсний учир Захирагчийн ажлын алба, Сууц өмчлөгчдийн холбооны дээд зөвлөл гэх байгууллагууд Германы "Шинэ адар" төслөөс салбарлуулан мансард "төрүүлэх" төслийг хэрэгжүүлж байгаа. Харин гүйцэтгэгчээр Хятадын хөрөнгө оруулалттай "(NТIС" компани шалгарсан юм билээ. Сууц өмчлөгчдийн холбооныхон (СӨХ) төсөлд хамрагдах дөрөв, таван давхар барилгуудыг мэргэжлийн байгууллагаар шалгуулж, төсөл хэрэгжүүлэх шаардлага, зорилгодоо нийцүүлсэн магадлагаа гаргуулсан хэмээн иргэд хардаж эхэлжээ. Тухайлбал, дээрх дөрөв, таван давхар 70 метр урт, 11 метр өргөн байрнуудын дээвэр муудсан, засахад нэг байранд 26 сая төгрөгийн санхүүжилт шаардлагатай, дээврийн дулаалга муу, дахин ашиглах боломжгүй, мөөгөнцөр ургаж, иргэд хорт хавдраар өвчлөх магадлалтай гэхчилэн дүгнэлтэд дурджээ. Ингээд л юу юугүй мансард барих ажил төлөвлөсөн газар бүртээ эхэлсэн аж. Барилгын ажлыг гүйцэтгэх компанийн зүгээс тун дуу чимээгүй, хурдан ажиллана гэхчилэн оршин суугчдад нь амлаад л. Гэсэн ч зарим оршин суугч эсэргүүцсээр байсан ч иргэдийн" гарын үсэг зуруулсан хуурамч баримт гаргасан гэх яриа ч бий гэнэ. Хотын удирдлага, СӨХ-ныхон бол дээрх байрнуудын дээврийг нэг ёсондоо газар, талбай болгон ашиглаж байна. Хотын төвд барилга барих газар ховор, олдсон багахан газар нь өндөр үнэтэй, иргэд газраа худалдах сонирхолгүй. Тиймээс барилгын дээвэр хямд туссан хэрэг болов уу. Төслийн хүрээнд "төрсөн" хоёр ерөө байр 25 сая, гурван өрөө байр 35 сая төгрөгөөр зарахаар төлөвлөгдсөн байгаа гэнэ. Дөрвөн орцтой нэг байрнаас 300 гаруй сая төгрөг олох нь хэмээн иргэд тооцоолжээ. Мансард барьсан байрнуудад өмнө оршин сууж байсан нь, дээд шинэ давхруудад нүүж ирэх нь ч чанаргүй, даацгүй, баталгаагүй байранд амьдрах болох нь. Цаашилбал, сантехникийн шийдэл учир дутагдалтай гэж мэргэжлийн байгууллага тодорхойлжээ. Шинэ, нэмэгдэж байгаа давхрын айлуудын шугам хоолойг холбохын тулд доод айлын нь таазыг нэвт өрөмдөх гэнэ, Нэг айл 10 гаруй усны цорготой гэж бодоход 770 метр кв талбайтай нэг байрыг 600 гаруй өрөмдөж цоолно гэсэн үг. Бас шинэ давхар руу гарах шатыг орц бүхэнд хийнэ. Ингэхийн тулд дээврийг мөн л дөрвөн метр кв нүхэлнэ. Энэ бүхнээс үзэхэд барилгын чанар хэрхэн хэв-рэгшиж байгаа нь ойлгомжтой.
1980 оноос хойш Оросын технологиор, тусламжаар барьж байгуулсан угсармал байр 100 жилийн баталгаатай юм гэсэн, Эдгээр байрнууд "Мансард" төсөлд хамрагдаж байгаа. Гүйцэтгэгч компанийн зүгээс хэрхэн мансардтай байр барьдаг стандартыг СӨХ болон иргэдэд видео бичлэгээр үзүүлсэн хэр нь өнөөдөр огт өөр технологиор ажиллаж байна гэнэ. Хүнд, том лантуугаар дээврийн бетонон хавтанг цохиж цөмлөж байгаа нь тавдугаар давхрын айл бүү хэл нэгдүгээр давхрынханд ч доргилт өгдөг аж.
Анх оршин суугчдын 100 хувийн саналаар төсөл хэрэгжинэ гэсэн бол өнөөдөр 70 хувь нь зевшөөрсөн байхад л хангалттай хэмээн бүрэн эрх эдэлж, дур зоргоороо аашилж байна хэмээн оршин суугчид бухимдаж байна. Гарын үсэг зурсан иргэд дзэврээс ус гоожихгүй, анх товлосон хугацаанд хурдхан шиг дуусвал болно гэж л зөвшөөрсөн. Гэтэл ингэж удахыг мэдсэн бол хэн гарын үсэг зурж, мансард барихыг зөвшөөрөх вэ хэмээн иргэд ам уралдан ярьж байна. Үнэхээр хуучин барилгын дээр мансард барих шаардлагатай гэж үү. Тийм л гарцаагүй хэрэгтэй бол сууц өмчлөгчдийн саналын дагуу оршин суугчид, захиалагч, гүйцэтгэгч талууд хуулийн хүрээнд гуравласан гэрээ байгуулж, түүнийгээ хүчин төгөлдөр баталгаажуулах хэрэггэй биш үү. Мөн анхны төлөвлөсөн зураг төслөө өөрчлөхгүй, мэргэжлийн байгууллагууд нь иргэдтэй хамтарч нэн сайн хяналттайгаар ажиллах ёстой байх. Барилгын ажлын өнөөгийн байдлаар бол байраа нураалгаж амьдрах оронгүй болж мэдэх оршин суугчид л Хад-галамж зээлийн хоршоонд мөнгөө алдагсдын хойноос орох вий.