Дани улсад баригдсан 25,000 м.кв бүхий талбайтай нэгэн дунд сургуулийн барилгад 12,000 ширхэг нарны зайн хавтанг суурилуулжээ. Ингэснээр тус сургуулийн хэрэглээний цахилгааны тал хувийг сэргээгдэх эрчим хүчнээс гаргах авах юм. Гэхдээ энэ нь бусад нарны зайн хавтангууд шиг зөвхөн сургуулийн дээвэрт байрлахгүй, 6,000 м.кв бүхий барилгын гадна фасаданд мөн суурилуулагдаж байгаа аж.
Копенгаген хотноо баригдсан тус сургуулийг ийнхүү нарны зайн хавтангаар тоноглож буй нь нэг талаар байгаль орчинд ээлтэй төдийгүй барилгын гадна үзэмжинд эерэгээр нөлөөлөх шийдэл болсон гэж төсөл хэрэгжүүлэгчид нь онцолжээ.
Эдгээр нарны хавтангуудыг Швейцарын судалгааны хүрээлэнгийнхэн үйлдвэрлэсэн байна. Хавтангууд нь тунгалаг учир байгалийн, ялангуяа далай тэнгисийн гүн ногоон өнгийг өөртөө тусгаснаар гадна заслыг илүү өнгөлөг, шинэлэг болгож таатай орчныг бүрдүүлэх аж.
Сэтгэгдэл