Өвлийн бэлтгэл хангах ажлын хүрээнд “ДЦС IV” ТӨХК зуны ээлжит засварын зогсолтыг уржигдар шөнө /2017.07.28-ны өдрийн 00:00 цаг/-өөс эхлүүлсэн. Энэхүү тэг зогсолтыг “Эрдэнэт үйлдвэр”-ийн ээлжит засвартай зэрэгцүүлсэн гэж Эрчим хүний яам /ЭХЯ/-наас мэдээлж байна. Засвар хийх хугацаанд “ДЦС IV” ТӨХК нэг зуух, нэг турбингенератортой /70 МВт ачаалалтай/ ажиллаж байгаа бөгөөд 72 цагийн дотор засварыг дуусгахаар төлөвлөсөн гэнэ.
Тэг зогсолт долоодугаар сарын 31-ний өдрийн 10:00 цаг хүртэл үргэлжилнэ. Энэ хугацаанд онцгой үеийн горимыг мөрдөж, шаардлагатай тохиолдолд зарим хэрэглэгчдийг 1-2 цаг цахилгаан эрчим хүчээр хязгаарлана гэдгийг салбарын яамнаас анхаарууллаа.
Сэтгэгдэл