Чикаго хотноо нээгдээд удаагүй байгаа технологийн тэргүүлэгч Apple компанийн шинэ дэлгүүрийн барилга архитектурын өвөрмөц шийдлээрээ олны нүдийг хужирлах болжээ. “Town Square” дэлгүүрийн барилгын гол санаа нь олон нийтэд үйлчилж, худалдаа хийхэд тохиромжтой, тав тухтай орон зайг бий болгох зорилготой аж.
Бүх ханыг шилээр шийдсэн энэхүү барилгын дээврийг “Macbook” зөөврийн компьютерийн хэлбэрийг тод илэрхийлсэн хэлбэртэй гүйцэтгэж, ингэхдээ карбон файбр материалыг ашигласан байна.
Хойд Мичиганы өргөн чөлөөний орчимд Чикаго голын эрэг дагуу байрлах уг дэлгүүрийн барилга нь хотын төв хэсэг болоод голын яг дунд нь орших аж. Дэлгүүрийн боржин чулуун шат нь түүхэн “Pioneer Court” плазагаас эргийн шугам дагуу урууддаг юм байна. Муруй хэлбэр бүхий олон тооны шилэн хаалга барилгын эргэн тойронд байрлах ба дөрвөн талд буй багана нь барилгын хавтгай нимгэн дээврийг тулах үүрэгтэй юм.
Сэтгэгдэл