Монголын хэвлэл мэдээллийн хэрэгслүүдэд ажиллаж буй редакторууд нэгдэн клуб байгууллаа. Клубийн үйл ажиллагаа нийгэмд болж буй аливаа асуудалд хэвлэлийнхэн дуу хоолой, хүчээ нэгтгэн ажиллаж, дөрөв дэх засаглалын үүргээ гүйцэтгэхэд чиглэгдэнэ. “Редакторуудын клуб” нь эхний ээлжинд гишүүнчлэлээ өргөжүүлэн, үйл ажиллагааны төлөвлөгөөгөө баталж, зорилт зорилгоо тодорхойлно.
Анхны хөндөх сэдэв нь нийслэл хотын агаарын бохирдлын асуудал юм. Энэ чиглэлээр клубийн гишүүд тодорхой үр дүнд хүртлээ буюу бүтэн жилийн туршид асуудал хөндсөн нийтлэл, нэвтрүүлэг, мэдээллийг төрийн байгууллагууд, холбогдох албан тушаалтнуудад хүргэхийн зэрэгцээ иргэдэд танин мэдэхүйн, олон эх сурвалжит мэдээллийг хүргэж ажиллана.
Агаарын бохирдлын асуудлаар зөвхөн асуудал хөндөөд орхихгүй, шийдэх гарцыг эрэлхийлэх, дэлхийн бусад улс орнуудын утаанаас салсан туршлага, Монголдоо хэрэгжүүлж болох дэвшилтэт арга замыг нэвтрүүлэхэд хувь нэмрээ оруулахыг редакторууд чухалчилж байна.
Тэд цаашид агаарын бохирдлоос гадна нийгэмд тулгарч буй олон саад бэрхшээлийг шийдэхэд дөрөвдөгч засаглалын үүднээс үүргээ биелүүлэн ажиллах юм байна.
Сэтгэгдэл