“Монгол” дээд сургуулийн захирал, доктор Н.Дашзэвэг, доктор К.Аксолтан, эдийн засагч Х.Батсуурь нар “Газрын ашгийн эзэд” хөдөлгөөн эхлүүлжээ.
Тэд гэр хорооллыг орон сууцжуулах сан байгуулах, улмаар ипотекийн зээлийн хүүг 0-4 хувь болгох санал дэвшүүлж буйгаа өчигдөр хэвлэлийн бага хурал дээр зарлалаа. Дээрх санг байгуулснаар иргэдийн хашааны газрыг худалдан авч, оронд нь байр өгөх хэрэгтэй гэж үзэж байна. Ингэсэн тохиолдолд орон сууцны нэг ам.метр талбайн үнэ 1,4 сая төгрөгөөс өсөхгүй байх боломжтой гэлээ.
Н.Дашцэвэг, “Банкууд 4 хувийн хүү нэмээд тав болгож байгаа. Банк болон Монголын ипотекийн корпорац гэсэн зуучлагч байгууллагуудыг оролцуулахгүйгээр, Төрийн орон сууцны корпорацаар дамжуулан ипотекийн зээл олговол хүү нь нэг хувь байх бүрэн боломжтой. Зуучлагч компаниуд дундаас нь олон тэрбум төгрөгийн ашиг олж байна” гэв.
Сэтгэгдэл