Сар тутам тогтмол гаргадаг “Орон сууцны үнийн индекс”-ийн 2016 оны нэгдүгээр сарын судалгааг Монголбанк, “Тэнхлэг зууч” компаниас танилцууллаа. Судалгаанд Улаанбаатар хотод борлуулагдахаар зах зээлд нийлүүлэлттэй байгаа 5,062 ширхэг орон сууцны мэдээллийг хамруулан, Хедоник регрессийн аргаар тооцоолон гаргажээ. Өнгөрөгч сард ОСҮИ нь 5.7 хувьтай гарсан нь өмнөх сарын дүнгээс 0.16 хувиар өссөн үзүүлэлт аж. Харин өмнөх оны мөн үетэй харьцуулбал -10.4 хувиар буурсан байна. Үүнээс шинэ орон сууцны үнийн индекс нь 18.2 хувьтай гарсныг өмнөх сартай харьцуулбал -0.7 хувиар, өнгөрсөн оны мөн үеэс -7.0 хувиар буурчээ. Мөн хуучин орон сууцны үнийн индекс -1.8 хувьтай гарсныг өмнөх сартай харьцуулбал -0.4 хувь, өнгөрсөн оны мөн үеэс -14.2 хувиар буурсан дүн аж.
Сэтгэгдэл