Москва хотын гол бэлэг тэмдэгүүдийн нэг “Останкино” телевизийн цамхаг өчигдөр 40 насныхаа ойтой золголоо. 1967 оны 11 сарын 5-ны өдөр 540 метрийн өндөртэй энэхүү байгууламжийг улсын комисс зөвшөөрснөөр хүлээн авч, эдүгээ цамхагийн тусламжтайгаар одоог хүртэл радио, телевизийн бүх нэвтрүүлгүүдийг Орос орны өнцөг булан бүрт шууд дамжуулж байгаа юм.
Инженер Николай Никитины төслөөр архитектор Леонид Баталов, Дмитрий Бурдин нарын бүтээл өнөөг хүртэл Дэлхийн шилдэгүүдийн нэг хэвээр байгаа юм. Останкино цамхаг нь дэлхийн хамгийн өндөр Канапын Торонто хот дахь 553 м өндөр “Си Эн тауэр” –ийн дараагаар 2-рт ордог юм. Тус байгууламжийн дээд давхарт цахилгаан шатаар гарахад 42 секунд зарцуулдаг байна.
Сэтгэгдэл