Барилга хот байгуулалтын сайд З.Баянсэлэнгэ өнгөрсөн бямба гаригт “Буянт-Ухаа″ хорооллын ажлын явцтай танилцах үеэрээ ипотекийн зээлийн урьдчилгааг 30 хувиас арван хувь болголх асуудлыг шийднэ гэдгээ сэтгүүлчдэд мэдээлэв.
Засгийн газраас ипотекийн зээлийн урьдчилгааг 10 хувь болгох шийдвэр гаргасан ч өнөөдрийг хүртэл хэрэгжээгүй. Учир нь эхний ээлжинд 200 тэрбум төгрөг шаардлагатай болсон. Энэ мөнгийг Хөгжлийн банкнаас гаргана гэж Барилга хот байгуулалтын өмнөх сайд Д.Цогтбаатар тухайн үедээ хэлж байсан ч тус банк ипотекийн зээлийн урьдчилгааг 10 хувь болгох ажлыг санхүүжүүлэх боломжгүй гэдгээ илэрхийлсэн. Тиймээс Барилга хот байгуулалтын сайд З.Баянсэлэнгийн мэдээлэл бас дахиад дэмий хүлээлт үүсгэх вий гэсэн болгоомжлол байна.
Сэтгэгдэл