Нэрт архитектор Валерий Фан Пут өөрийн компанийн шинэ оффисийг өвөрмөц байдлаар барихыг хүсчээ. Түүний шинэ оффисийн барилга зүгээр нэг авсаархан, тохь тухтай байх бус, шинэлэг санаа агуулсан, дотоод болон гадаад засал нь өвөрмөц байх ёстой гэж тэрээр үзсэн байна. Тиймээс ажилтнуудад шинэ санаа төрж, ажлын бүтээмжийг нь сайжруулахад үр дүнтэй хэмээн өрөө хооронд хаалгагүй болгож, гадна талаасаа ч этгээд хэлбэр хийцтэй болгохоор шийдсэн аж. Бельгийн Маасмехелен дүүргийн нутаг дэвсгэрт янз бүрийн түвшинд барьсан уг барилгыг байгалийн тогтцод нь уялдуулан ийнхүү өвөрмөц хэлбэртэй байхаар зохион бүтээжээ.
Тэгш хэмт бус нугалмал шалны төлөвлөлт бүхий дотоод засал нь урьд өмнө байгаагүй шинэлэг шийдэл болно гэж архитектор үзсэн байна. Мөн барилгын урд талаас ар тал хүртэлх багагүй талбайд ногоон байгууламж бүхий цэцэрлэг байгуулсан нь орчин тойрныг чимж, ажиллах орчныг сайжруулж байгаа хэрэг юм. Архитектор уг оффисийн барилгыг ажиллах таатай нөхцөл, эрүүл, цэвэр орчин, шинийг санаачлах бүтээлч сэтгэлгээг дэмжсэн тохилог дотоод засал зэргийг бүрдүүлэхийг хичээсэн байна.
Тэгш хэмт бус нугалмал шалны төлөвлөлт бүхий дотоод засал нь урьд өмнө байгаагүй шинэлэг шийдэл болно гэж архитектор үзсэн байна. Мөн барилгын урд талаас ар тал хүртэлх багагүй талбайд ногоон байгууламж бүхий цэцэрлэг байгуулсан нь орчин тойрныг чимж, ажиллах орчныг сайжруулж байгаа хэрэг юм. Архитектор уг оффисийн барилгыг ажиллах таатай нөхцөл, эрүүл, цэвэр орчин, шинийг санаачлах бүтээлч сэтгэлгээг дэмжсэн тохилог дотоод засал зэргийг бүрдүүлэхийг хичээсэн байна.
Сэтгэгдэл