Дарь эхчүүд амралт, чөлөөт цагаа өнгөрүүлэх цогцолбортой боллоо

     Баянзүрх дүүрэг байгуулагдсаны 50 жилийн ойн ажлын хүрээнд дүүргийн Засаг Даргын Тамгын газраас бүтээн байгуулалтын хэд хэдэн төслийг шат дараалан хэрэгжүүлж байна. Ойн арга хэмжээний хүрээнд эхлүүлсэн бүтээн байгуулалтуудыг 3 жилийн хугацаанд гүйцэтгэж, 2018 онд дуусгахаар төлөвлөжээ. Хөтөлбөрийн хүрээнд хэрэгжүүлж буй “Дарь Эх” цогцолборын нээлтийн ажиллагаа өчигдөр болж өнгөрсөн. Одоогоор тус цогцолборын ажил 90 хувьтай байгаа. Баянзүрх дүүргийн 27-р хорооны Суваргатай уул хэмээн нэрлэдэг толгодод байгуулсан. Цаашид ойр орчмын 20 га газрыг цэцэрлэгжүүлэн, дугуйн, явган хүний, гүйлтийн зам бүхий том талбайг тохижуулах юм.