Apple корпорацийн өвөрмөц шийдэлтэй шинэ дэлгүүр ашиглалтад орлоо

     Бельгийн нийслэл Брьюссель хотноо Apple корпорацийн шинэхэн дэлгүүр үүд хаалгаа нээж, хэрэглэгч үйлчлүүлэгчдээ хүлээн авахад бэлэн болжээ. Архитектур дизайны өвөрмөц шийдэл бүхий тус дэлгүүр нь Дизайны хэлтсийн ахлах мэргэжилтэн Жони Ивийн гүйцэтгэсэн худалдааны төвийн зориулалттай анхны бүтээл нь гэж хэлж болно.

     Тус дэлгүүрийн том шилэн цонх нь худалдан авагчдад нээлттэй, хэрэглэгчид үйлчлүүлэхэд энгийн сэтгэгдэл төрүүлэх зорилгоор барилгын загварыг төлөвлөжээ.

     Барилгын орчин тойрныг вааран суурьтай моддоор чимж, нэмэлт чимэглэл заслын ажилд байгалийн цэвэр материалыг түлхүү ашиглахыг хичээсэн аж. Ялангуяа модон материал, бүтээгдэхүүн хэрэглэхэд дизайны багийнхан анхаарал хандуулан ажиллажээ.