Ипотекийн зээлийн ерөнхий журам зөрчигдөж байгаа эсэхэд шалгалт хийжээ

         Орон сууцны ипотекийн зээлтэй холбоотой гомдол санал иргэдээс огтхон ч тасардаггүй бөгөөд үүний дагуу Монгол банк саяхан Ипотекийн зээлийн ерөнхий журам зөрчигдөж байгаа эсэх талаар хоёр банкинд хяналт хийсэн байна. Одоогоор ямар банкинд хяналт хийснээ нууцалж байгаа бөгөөд тодорхой хэмжээнд ипотекийн зээлийн ерөнхий журмыг зөрчсөн байж болзошгүй хэмээн үзэж хяналтын шатны өөр байгууллагад шилжүүлсэн гэнэ. Монгол банк арилжааны банкуудын дотоод үйл ажиллагаанд оролцох эрхгүйгээс гадна хяналт шалгалт хийх эрхгүй байгууллага учир Ипотекийн зээлийн ерөнхий журам зөрчигдөж байгааг шууд хянах боломжгүй байдаг аж.
    Харин Монгол банкны зүгээс ипотекийн зээлд зориулж арилжааны банкуудад олгож байгаа санхүүжилт хэвийн байгааг онцоллоо.