Барилга, үл хөдлөх хөрөнгийн салбарт үйл ажиллагаа явуулж байгаа аж ахуйн байгууллага болон хөрөнгө оруулагчдад зориулсан "Барилга орон сууц-2015" бизнес уулзалт 08 сарын 20-ны 9 цагт МҮХАҮТ-ын баруун талд байрлах “Corporate and Convention Center”-ийн Улаанбаатар танхимд зохион байгуулагдах гэж байна.
Уулзалтад салбарын төрийн болон төрийн бус байгууллагууд бизнес эрхлэгчдийн үйл ажиллагааг дэмжих, харилцан санал солилцож туршлага хуваалцах боломж олгох зорилгоор бүтээн байгуулалтын ажлыг амжилттай үргэлжлүүлэх, хөрөнгө оруулалтын үр ашгийг нэмэгдүүлж, бизнесийн таатай орчныг бүрдүүлэх сэдвийн хүрээнд болох юм.
Уулзалтанд төрийн байгууллагуудыг төлөөлж Барилга Хот Байгуулалтын Яам, Нийслэлийн Засаг Даргын Тамгын Газар, “Цахилгаан түгээх сүлжээ” ТӨХК, “Улаанбаатар Дулааны Шугам сүлжээ” ТӨХК, Ус Сувгийн Удирдах Газрын төлөөлөл оролцож, дэд бүтцийн хүрэлцээ хангамжийн асуудлаар мэдээлэл өгч, салбарын тулгамдсан асуудлаар санал солилцоно. Мөн Судлагаа, зөвлөх үйлчилгээний “MMCG”, “Контент Маркетинг” компанийн төлөөллүүд зах зээлийн судалгаа, маркетингийн чиглэлээр илтгэл тавьж, хэлэлцүүлнэ.
Уулзалтанд барилгын салбарын байгууллага, бизнес эрхлэгчид оролцохоор санал хүсэлтээ нэмж ирүүлсээр байгаа юм.
Холбогдох утас: 99907814
Майл хаяг: odontuya@barilga.mn
Та бүртгүүлэх бол ЭНД дарж бүртгүүлнэ үү
Сэтгэгдэл