Хуучирсан мэдээ: 2019.11.05 16:01 -д нийтлэгдсэн

Усан дээрх хотхон

Барилга МН Барилга МН

2019.11.05

      Италийн Luca Curci Architects уран барилгын студийн зохион бүтээсэн 2500 оршин суугчид зориулсан хөвөгч босоо хотын төслийг танилцууллаа. Ойрхи Дорнодын тэнгэр баганадсан барилгуудын тоог нэгээр нэмэгдүүлэх Aptly нэртэй энэхүү 18 давхар босоо хот нь далайн түвшнээс дээш 750 м өндөрт байрлах ба тус барилгын нэгж тус бүрт агааржуулалт, байгалийн гэрэл нэвтрэх модуль төлөвлөж өгсөн. Эрүүл амьдралын хэв маягийг чухалчилдаг хүмүүст тохирсон загварыг бий болгох зорилгоор барилгын давхар бүрт олон нийтийн цэцэрлэгийг байгуулах юм.
     Барилга нь далайн усан дээр тогтвортой хөвөх бөгөөд усан зогсоол, халуун рашааны газар, бясалгалын төв, биеийн тамирын заал болон тансаг зэрэглэлийн зочид буудлын өрөөнүүд байрлана. Тус байгууламж руу нийтийн тээврийн усан завь үйлчилгээнд явах аж.

       Барилгын нийт ашиглалтын талбай нь 58000 хавтгай дөрвөлжин метр бөгөөд орон сууц, үйлчилгээний газрууд, оффис, дэлгүүр болон дээр дурдсан бусад байгууламж байх болно. Ногоон байгууламжийн эзлэх талбайн хэмжээ 20,000 хавтгай дөрвөлжин метр. Нарны эрчим хүчээр байгууламжийг хангах зориулалттай тусгай мембран бүрхүүлийг барилгын гадна фасаданд ашиглах аж.

       Энэхүү төслийн хэрэгжих хугацаа нь одоогоор тодорхойгүй байгаа бөгөөд барилгажилт ихтэй, орон зай дутмаг, хүн ам олноор суурьшсан том хотуудын хувьд үнэхээр авууштай санаа болсон талаар архитекторууд ярьж байна.