Р.Эрдэнэбүрэн үүрэгт ажилдаа хэвээр үлдэв

        “Шийдлийн” буюу Ч.Сайханбилэгийн толгойлж байгаа Засгийн газар байгуулагдсанаар МАН өөрийн харъяанд таван яаманд сайдууд томилсон. Аливаа яамны Төрийн нарийн бичгийн даргыг тухайн яамны сайдын санал болгосноор томилох хуультай ч АН энэ заалтыг зөрчин Барилга хот байгуулалтын яам /БХБЯ/-ны төрийн нарийн бичгийн даргын суудлыг хэвээр үлдээлээ гэх хэл ам гарч байсан. Оны өмнөхөн Засгийн газрын хуралдаанаар Төрийн нарийн бичгийн дарга нарыг МАН санал болгож, БХБЯ-ны Төрийн нарийн бичгийн даргаар УИХ-ын гишүүн асан Ц.Цэнгэлийг томилох санал хүргүүлнэ гэх “бор шувуу” хэвлэлээр нисч байсан ч өчигдөр БХБ-ын шинэ сайд Д.Цогтбаатар өөрийн цахим хуудсандаа Р.Эрдэнэбүрэнг хуучин ажилдаа хэвээр үлдсэн тухай мэдэгдсэн байсан. Ингэснээр Барилга хот байгуулалтын Төрийн нарийн бичгийн даргаар “Шийдлийн” Засгийн газарт хэн ажиллах нь  тодорхой боллоо.