Хуучирсан мэдээ: 2019.11.05 14:23 -д нийтлэгдсэн

Ногоон байгалийн өнгө аясыг хадгалах дотоод засал

Өлзийням Пүрэвжав

2019.11.05

Ногоон байгалийн өнгө аясыг хадгалах дотоод засал

Өмнөх зуунд хүмүүс илүү гял цал байдлаар орон гэрээ тохижуулах хүсэлтэй байсан бол өдгөө гоёмсог хэр нь байгальд ойроор засах сонирхолтой болжээ. Байшин барилгад ч энэ байдал тусгагдаж ногоон барилга гэх хэллэг гарч ирэв. Зочид буудал, ресторанууд ч зочид, гийчдээ байгаль дунд байгаа мэт сэтгэгдэл төрүүлэхээр дотоод заслаа хийх болжээ. Дэлхий нийтийн энэ чиг хандлагаас манай бизнесийнхэн ч хоцрохгүйг хичээх нь лавтай. Аялал жуулчлалын улирал ирж байгаа энэ үед байгалийн унаган төрхийг харуулахыг зорьсон ийм нэгэн ресторан байвал үйлчлүүлэгч тасрахгүй болов уу гэж итгэнэ.
Яг дуурайхад төсөв мөнгө хэтрэхээр байвал төстэй хэлбэрээр засч тохижуулахад болохгүй зүйл үгүй. Ялангуяа рестораны гол хэсэгтээ тулгуур том баганатай газрууд үүнийгээ ургаа мод хэлбэрээр ашиглах нь том зай эзэлсэн хэрэггүй нэг зүйл биш, харин ч хүмүүсийн хараа булаасан өвөрмөц хэсэг болж хувирах нь ээ. Мөн модон тавилга байгалийн гэх өнгө аясыг илүү тодотгож өгдөг байна.