Хуучирсан мэдээ: 2019.11.05 14:23 -д нийтлэгдсэн

Үл хөдлөх хөрөнгө зуучлалын компаниуд санал бодлоо солилцов

Өлзийням Пүрэвжав

2019.11.05

Үл хөдлөх хөрөнгө зуучлалын компаниуд санал бодлоо солилцов

Үл хөдлөх хөрөнгө зуучлалын нэгдсэн холбоо гишүүн байгууллагуудынхаа санал бодлыг сонсох ээлжилт хуралдаанаа зохион байгууллаа. Байгуулагдаад удаагүй ч үйл ажиллагаа нь эрчимтэй өргөжиж байгаа тус холбоонд үл хөдлөх зуулалын 20 гаруй компани хамаарагддаг. “Актив зууч”, “Тэнхлэг зууч", "Веста", "Меско", "Мастер проперт" зэрэг үйл ажиллагаараа олонд танигдсан үл хөдлөх хөрөнгө зуучлалын компаниудын захирал, менежерүүд цуглаж, тулгарч буй асуудлууд болоод ажил мэргэжлийн онцлогийн талаар ярилцсан. Түүнчлэн холбооноос өнгөрсөн хугацаанд зохион байгуулсан реалтор буюу үл хөдлөх хөрөнгө зуучлагч нарын дунд явуулсан анхны сургалт болоод энэ онд цаашид хийгдэх ажлуудынхаа талаар хэлэлцсэн юм.

Үл хөдлөх хөрөнгө зуучлал нь манай улсад хөгжиж эхэлж буй учир хөрөнгө зуучлагч нарыг луйварчин мэтээр ойлгох, тэдний ажлыг хүндлэхгүй байх зэрэг нийтлэг хандлага байдаг ч сүүлийн үед хөрөнгө зуучлалын байгууллагуудад хандах хүмүүсийн тоо нэмэгдэж байгаа аж.
Орон сууц, үл хөдлөх хөрөнгө худалдаж авах гэж зар уншиж, утасдаж, очиж үзэх гэдэг бол нэлээдгүй цаг зав шаардсан ажил төдийгүй энэ хэмжээгээрээ хөрөнгө мөнгө шаардах нь тодорхой. Харин үл хөдлөх зуучлалын компанид хандсанаар энэ бүх ажлыг хөнгөвчлөх төдийгүй бодит үнээр үл хөдлөх хөрөнгөө худалдан авах давуу талыг олгодог юм. Учир нь үл хөдлөх зуучлалын компаниуд зах зээл дэх үл хөдлөх хөрөнгийн үнэ ханшийн бодит судалгааг байнга хийж байдаг. Мөн эрэлт хэрэгцээ, нийлүүлэлтийн талаарх бодит судалгаа тэдэнд бий.
Дашрамд дурдахад манай улсад үл хөдлөх хөрөнгө зуучлалын70 орчим компани бүртгэлтэй байдаг ч зах зээл дээр 40 гаруй нь л идэвхтэй үйл ажиллагаа явуулдаг байна.