Хуучирсан мэдээ: 2019.11.05 14:25 -д нийтлэгдсэн

Далай доор ресторантай болоорой

Өлзийням Пүрэвжав

2019.11.05

Анх 2 жилийн өмнөөс Лондонд нэвтэрсэн “далай доорх ресторан” нэртэй дотоод засал нь өдгөө Япон, Солонгосчуудын дуртай загварын нэг болоод байгаа гэнэ. Маш богино хугацаанд 40-50 цайны газар, ресторан энэ загварыг сонгож дотоод заслаа хийсэн гэсэн судалгаа гарчээ.
Хэдийгээр манай оронд далай байхгүй ч түүнийг санагдуулам дотоод засалтай байх нь хүмүүсийн дургүйг хүргэхгүй нь лавтай. Магадгүй бүр эсрэгээрээ сонирхлыг нь татаж ч болох шүү дээ.
“Далай доорх ресторан” загварын хамгийн гол шийдэл нь таазны хэсгийг далайн давлагааг санагдуулам байдлаар нимгэн фанёрыг үелэн, долгиолсон байдлаар зүсч, тодорхой зайнд тогтоож өгсөн явдал юм. Ингэхдээ хэт намхан таазанд өлгөснөөс 4-4,5м өндөртэй таазанд энэ заслыг хийх нь илүү тохиромжтой, гоёмсог харагддаг байна. Таазанд тогтоосон фанёруудын хооронд гэрлэн чимэглэл хийж өгөхөө мартаж болохгүй аж. Гэрэл сүүдрийн тусгалыг зөв олж тогтоох хэрэгтэй бөгөөд гэрлүүдийг бүрхүүлгүйгээр тогтоох нь илүү тохиромжтой байдаг гэнэ.
Мэдээж зөвхөн таазны хэсгийг далайн давлагаа мэтээр хийж өгснөөр далай доорх ресторан болохгүй нь лавтай. Иймд шалны хэсэгтээ ч далайг санагдуулам хайрга, элсний өнгийг сонгох хэрэгтэй.