Хуучирсан мэдээ: 2019.11.05 14:16 -д нийтлэгдсэн

Танай байгууллага нийслэлийн ямар нэртэй гудамжинд байрладаг вэ

Altangerel idernast

2019.11.05

Танай байгууллага нийслэлийн ямар нэртэй гудамжинд байрладаг вэ

Манай нийслэл хот төлөвлөлтийн мастер төлөвлөгөө гаргаж, эд бужигнаж байна. Үүнтэй уялдаатайгаар хаягжуулалтын асуудал чухалд тавигдах нь мэдээж хэрэг. Нийслэл хотод өнөөдрийн байдлаар ямар нэгэн нэрээр нэрлэгдэж буй гудамж, талбай, өргөн чөлөө 151 гаруй байгаа юм байна. Үүнээс улс эх орондоо ихийг хийж бүтээсэн түүхэн гавъяатай хүмүүсийн нэрээр нэрлэгдсэн гудамж 60 гаран байна. Нийслэлийн иргэд хотын аль ч хэсгээр явсан тухайн газрын өгөдсөн нэр хаягаар ярьж, хэлэлцэж өдөр тутамдаа хэвшил болгож байгаа нь тун цөөн. Бид ам дамжсан нэршлээрээ өнөөг хүртэл хаяг байршлаа тодорхойлсоор байгаа нь тохиромжгүй юм. Нөгөө л тэр уулын ард, хөтөл давааны тэр талын дэргэд гэдэг шиг тэр сургууль, дэлгүүр, мухлагын хойно урд, хажууд гэж ярьсаар байгаа нь үнэхээрийн инээдтэй.
Өвөг дээдсээсээ “амны билгээс ашдын билэг” гэдэг үгтэй. Гэтэл нийслэлийн иргэдийн амнаас өдөр тутамд “Халдвартын буудал, шинэ гэмтлийн хажууд, хуучин гэмтлийн наана, Хавдар судлалын хойно байна” гэх мэт нэг л билэггүй нэршлийг хэрэглэдэг. Түүнчлэн өөрийн албан байгууллагын хаягаа зарлахдаа хүртэл ойролцоох баар цэнгээний газар, дэлгүүрээр нэрлэх нь энгийн үзэгдэл болжээ. Гэр хороооллын айл өрх ихээр нэмэгдсэнтэй холбоотойгоор тэдгээрт үйлчилдэг нийтийн тээврийн зогсоолын нэрс хүртэл хэлэхэд эвгүй болсон байдаг.
Иймээс нийслэлийнхээ гудамж, талбайг өөрийнх нь нэрээр дуудаж хэвшүүлэхийн тулд ядаж нийтийн тээврийн зогсоол, авто замын хаяг бүр дээр тэмдэглэж өгвөл тодорхой хугацааны дараа бүх нийтээрээ хэрэглэж эхлэнэ. Наад зах нь нэг дүүрэгт хаягжуулалтыг шуурхай болгож, сурталчилан хэрэгжүүлж эхэлбэл хотын газрын зураг ч тодорхой болж, гадны жуулчид ойлгоход амар болно. Түүгээр ч зогсохгүй түргэн тусламж, гал комманд, цагдаагийн алба, шуудан хүргэлт нь тогтмол ойлгомжтой нэрээр хэвшсэн хаягаар хүрч очиж үйлчлэх, үйлчлүүлэхэдчирэгдэлгүй илүү хялбар болно.