Хуучирсан мэдээ: 2019.11.05 14:19 -д нийтлэгдсэн

Нийслэлд барилга барих, тусгай зөвшөөрөл олгохыг журмыг дахин хэлэлцэхээр боллоо

Altangerel idernast

2019.11.05

Нийслэлд барилга барих, тусгай зөвшөөрөл олгохыг журмыг дахин хэлэлцэхээр боллоо

Нийслэлийн Иргэдийн төлөөлөгчдийн өнөөдрийн хуралдааны эхэнд барилга барих газрын эрх олгох, барилга угсралтын ажил эхлүүлэх үйл ажиллагааны журмын талаарх хурал болж өнгөрлөө. Уг журмыг НЕТГ-ийн дарга Н.Нацагдорж, Нийслэлийн өмчийн харилцааны газрын дарга Ж. Батсайхан, Нийслэлийн Засаг даргын тамгын газрын хөрөнгө оруулалт, хот байгуулалтын асуудал хариуцсан орлогч С.Очирбат нар хариуцан ажилласан байна.
Уг журамд барилга барих зөвшөөрөл авах хугацаа тодорхой тусгаж, хариуцлага хүлээлгэх тогтолцоог оруулж өгсөн нь сайн талтай байсан хэдий ч нэмж сайжруулан засах шаардлагатай зүйлүүд нэлээн байгааг дурдаад НИТХ-ын гишүүдийн олонх нь санал дэвшүүллээ.
Барилга орон сууц барихдаа тухайн газар оршин суугаа иргэдээс санал авч 70 хувийн саналыг авч чадвал барилга барьж болох талаар уг журамд тусгагдсан байгаа нь бусад хууль эрхзүйн заалтыг зөрчиж байгаа эсэхийг сайтар нягтлан үзэх хэрэгтэйг НИТХ-ын гишүүдийн зүгээс санал болголоо.
Түүнчлэн УИХ-ын энэ хаврын чуулганаар газрын тухай хуулийн шинэчлэлтийн талаар хэлэлцэгдэх гэж байгаа. Хэрэв газрын тухай хуулийн шинэчлэлт, өөрчлөлт батлагдчихвал Нийслэлд барилга барих газрын эрх олгох, барилга угсралтын ажил эхлүүлэх үйл ажиллагааны журамд дахин засвар хийх хэрэгтэй болно гэсэн үг.
Мөн уг журам нь Газрын тухай хууль болон бусад хуул эрх зүйн заалттай уялдаж өгөхгүй байгааг дурдаад дүүргүүдийн газрын албадын саналыг авах хэрэгтэй гэсэн саналыг НИТХ-ын Д.Баттулга хэллээ. Уг журмыг ирэх Пүрэв гарагт буюу 04 сарын 07-ны өдөр ээлжит бус хуралдаанаар дахин хэлэлцэхээр болов.