Хуучирсан мэдээ: 2019.11.05 13:53 -д нийтлэгдсэн

Баянхошууны замыг ирэх даваа гаригт бүрэн ашиглалтад оруулна

Barilga Barilga

2019.11.05

Баянхошууны замыг ирэх даваа гаригт бүрэн ашиглалтад оруулна

Чанарын хувьд сайхан зам болсон гэж болж байгаа болохоор мэргэжлийн ажлын хэсгийнхний дүгнэлт сайн гарах байх. Гэсэр сүмээс Баянхошуу хүртэлх хоёр гаруй километр замыг хэсэгчлэн хааж засварын ажил хийж байгаа. Гандангийн уулзвараас Баянхошуу хүртэлх замыг хааснаас хойш сар гаруйн турш иргэдэд ихээхэн хүндрэл учруулж байгаа. Таатай мэдээлэл дуулгахад ирэх даваа гаригт энэ зам ашиглалтад орох гэнэ. Нийслэлийн Авто замын газрын дарга Д.Бат-Эрдэнэ уг замын засварын ажилтай танилцаж байхад нь энэ талаар тодруулсан юм.

-Зам засварын ажил ерөнхийдөө дуусчихсан байна. Хэзээнээс ашиглалтад орох вэ?
-Зам засварын ажил хараахан бүрэн дуусаагүй байна. Одоо замын тэмдэглэгээг хийхээс гадна энэ замаар явахад аюултай эсэхийг шалгана. Түүний дараа л ашиглалтад орно л доо.

-Тэгвэл дахиад багагүй хугацаа өнгөрнө гэсэн үг үү?
-Энд нэг их хугацаа шаардагдахгүй. Тун удахгүй ашиглалтад одно гэж ойлгож болно.

-Яг хэзээ ашиглалтад орох вэ?
-Ирэх даваа гаригт ашиглалтад орчихно.

-Замын тэмдэг тэмдэглэгээг замаа ашиглалтад оруулсны дараа шөнөөр хийчихэж болдоггүй юм уу?
-Тэгэх боломжгүй шөнөөр хийхээр дахиад л замыг хаана шүү дээ. Тэгэхгүй бол шөнөөр хөдөлгөөн багассан ч ямар ч тээврийн хэрэгсэл явахгүй гэсэн үг бас биш. Тэмдэглэгээ хийсэн нойтон будгийг чинь тараагаад хаячихна. Тийм болохоор нэг мөсөн бүх зүйлийг дуусгаад ашиглалтад оруулах хэрэгтэй.

-Энэ зам ер нь хэр чанартай зам бэ. Мэргэжлийн комисс хүлээж авахад багагүй хугацаа зарцуулагдана даа?
-Чанарын хувьд сайхан зам болсон гэж бодож байгаа болохоор мэргэжлийн ажлын хэсгийнхний дүгнэлт сайн гарах байх. Гэхдээ чанартай зам уу эсвэл халтуурдчихаж уу гэдгийг мэргэжлийн ажлын хэсгийнхэн л тогтооно. Харин үүнд нэг их хугацаа орохгүй. Ирэх даваа гаригаас өмнө дуусчихна.