СӨХ-дыг Мөрдөн байцаах газарт шалгуулна

ШӨХТГ-т иргэдээс ирүүлсэн гомдлын дагуу Сууц өмчлөгчдийн холбоодын үйл ажиллагаанд шалгалт хийсэн талаар ШӨХТГ-ын дарга О.Магнай мэдээллээ.

Шалгалтын ажлын хэсэг нийслэлийн зургаан дүүрэгт шалгалт хийсэн бөгөөд гэмт хэргийн шинжтэй байж болзошгүй, шалгуулах шаардлагатай гэж үзсэн найман Сууц өмчлөгчдийн холбоодын Улсын мөрдөн байцаах газарт шилжүүлсэн байна.

Тодруулбал, Баянгол дүүргийн “Дөлгөөн -9”, Баянгол дүүргийн “Хөгжил хотхон”, Баянзүрх дүүргийн “Улаанхуаран”, Сүхбаатар дүүргийн “Хотхон”, Сүхбаатар дүүргийн “Тулгат асар”, Сонгинохайрхан дүүргийн “Баянхайрхан”, Сонгинохайрхан дүүргийн “Өнөр 19”, Сонгинохайрхан дүүргийн “Өнөр 20” зэрэг сууц өмчлөгчдийн холбоод орж байгаа юм байна.

Г.Төгс /gogo.mn/