БНХАУ-ын нийслэл Бээжин хотод “China Zun” хэмээх 108 давхар, 528 м өндөртэй барилга 2016 онд ашиглалтанд орох аж.
Энэхүү барилгын ажил нь 2011 оны 9 сард эхлэсэн бөгөөд Хятадын “CITIC Group” компани гүйцэтгэгчээр нь ажиллаж байгаа юм байна. Барилгыг барихад 4,7 тэрбум ам.доллар буюу 24 тэрбум юань шаардлагатай гэж үзжээ. Барилгын ихэнх хэсэг оффисийн зориулалтаар ашиглагдах ба барилгын дээд хэсэгт аялал жуулчлалын зориулалттай эргэн тойрныг өндөрлөгөөс харах кафе бүхий тусгай талбай байрлуулахаар төлөвлөжээ.
“China Zun” нь одоо Бээжин хотод байгаа 81 давхар “China World Trade Center Tower III” барилгаас 190 м-ээр өндөр бөгөөд Бээжин хотын хамгийн өндөр барилга болох юм.
Эл барилгад эрчим хүчийш хэмнэх сүүлийн үеийн технологийг ашиглах ба барилгын дизайныг эртний хятадын дарсны вааран савны хэлбэрээс санаа авчээ.
Барилга.МН сэтгүүл №32
Сэтгэгдэл