Их сургуулиудын хотхон байгуулах ажилд гадны мэргэжилтнүүдтэй хамтарна

Их сургуулиудын хотхон байгуулах ажилд Жайка олон улсын хамтын ажиллагааны байгууллагатай хамтран ажиллаж байгаа бөгөөд инженер-технологийн бүсийн хэсэгчилсэн ерөнхий төлөвлөгөө боловсруулах нарийн мэргэжилтэн манайд ажиллахаар болсон байна. Мөн Дэлхийд 4-т орох барилгын зураг төслийн Canon Design компанитай хамтран Их сургуулиудын хотхоны урьдчилсан ерөнхий төлөвлөгөө боловсруулахаар болжээ. Энэхүү хамтын ажиллагааг БНСУ-ын туршлагаас судлах айлчлалын үеэр хийсэн байна. Айлчлалд БСШУЯ, МУИС, ШУТИС, СУИС, ЭМШУИС, МУБИС-ын захирлууд болон архитекторууд оролцсон бөгөөд айлчлалын хүрээнд БНСУ-ын тэргүүлэх их сургууль, шинжлэх ухааны парк, судалгааны хүрээлэн, аж ахуй нэгж гээд нийт 10 гаруй байгууллагаар зочилж хамтран ажиллах, хөрөнгө оруулалт татах, туршлага судлах уулзалтуудыг хийсэн аж.
 
М.Ариунсувд  /mixx.mn/