Барилгын салбарын ирээдүй бүрхэг байна. Олон юм тодорхой биш байна. Энэ салбар цаашаа яаж хөгжиж нь, гацаанаас яаж гарах нь таавар мэт байна.
НИТХ-аас барилга эхлүүлэх зөвшөөрөл олгохыг зогсоосноос хойш нилээдгүй хугацаа өнгөрлөө. Энэ жилийн хувьд барилгачид хавраас намрын хооронд дахь богино хугацаагаа ашиглаж чадсангүй. Жилд 10.000 гаруй айлыг шинэ байранд оруулдаг гэсэн тоонд ч доголдол үүсэх нь гарцаагүй.
Дээрх тогтоол гарснаас хойш шинэ барилга эхэлсэнгүй. Барьж эхэлснийг нь хууль зөрчсөн нэрээр үйл ажиллагааг нь зогсоож, улсын өмч болгоно гэж айлгасаар л... Гэвч бас юу ч шийдэгдсэнгүй.
Ийнхүү барилгачид барилга барьж болохгүй, барьснаа үргэлжлүүлж болохгүй, захиалагчид нь цаашдаа энэ бизнесээр явах эсэхээ тунгааж, арилжааны банкууд хамгийн сайн зээлдэгчиддээ итгэл алдарахад хүрээд байна.
Банкнаас зээл авсан 107 барилгын ажлыг албан ёсоор зогсоож 200 гаруй тэр бум төгрөгийг эрсдэлд оруулж байгаа нь барилгачдад хүндээр тусахаас гадна, хотын төвд байрлалтай байрнуудын үнийг өсгөж, орон суцны хомсдол үүсгээд байна.
Сэтгэгдэл