“Барилга.МН” сэтгүүлийн 2012 оны 01 сарын дугаар худалдаанд гарлаа

“Барилга.МН” сэтгүүлийн шинэ оны анхны дугаар 4,000,000 төгрөгийн купонтой худалдаанд гарлаа. Уншигч та бүхэн шинэ дугаараас
Дугаарын онцлох хүн

“Барилга.МН” сэтгүүл сар бүр барилгын салбар гэх их айлыг хөгжин дэвшихэд өөрийн хувь нэмрээ оруулж байгаа эрхмүүдийг онцлон сэтгүүлийн зочноор урьдаг билээ. Энэ удаагийн онцлох зочноор Монголын Барилгын Инженерүүдийн Холбооны ерөнхийлөгч, Доктор, дэд профессор, Зөвлөх инженер Э.Ганзориг уригдлаа.

… Сайд нарын зөвлөлийн тогтоолоос сөрдөг бүдүүн хүзүүтэй хүн байгаагүй. Хоёрт манай ангийн зарим оюутнууд чөлөө авч ухрах замаар математикынхаа мэргэжлээр үргэлжлүүлж сурах бололцоо байсан байх л даа. Гэвч манай ангиас тийм хүн гараагүй. Тухайн үед хүүхдүүд байсан. Гайхаж байгаад л шийдвэрийг нь дагасан. Ингээд бид барилгын салбарт очоод 5 жилийн хөтөлбөрийг 2 жилд шахаж суралцаад анхны Үндэсний барилгын бүтээцийн инженерүүд болон бэлтгэгдэж гарсан…

МБИХ гэж ямар үүт түүхтэй байгууллага байдаг, түүний барилгын салбартай аил амьдралаа холбосон түүхийг “Барилга.МН” сэтгүүлийн 2012 оны 01 сарын шинэхэн дугаараас уншаарай.

Асуудал хөндсөн сэдэв

“Барилга.МН”сэтгүүл барилгын салбарт тулгамдаж байгаа сэдвийг хөндөн та бүхний хүртээл болгодог билээ. Энэ удаагийн сэдвээр иргэдийн хувьд мөрөөдөл болон хувирсан орон сууцны өсөлтийн талаар      “2012 онд орон сууцны үнэ өсөх үү? Буурах уу?” гэсэн сэдвээр мэргэжлийн байгууллагын судалгаа, шинжилгээн дээр үндэслэсэн нийтлэлийг хүргэж байна.
    Утааны асуудлыг шийдвэрлэн, иргэдээ тохилог, дулаахан орон сууцанд бөөцийлөх гэсэн төрийн байгууллагын санаачилсан ажил удаашралтай явагдаж байгаа нь иргэдийн дунд “хүлээлт” үүсгэн хямд өртөгтэй орон сууцанд орно гэсэн сайхан мөрөөдөлтэй болгож орхиод байгаа. Гэвч бүтэн жил өнгөрч байгаа ч “Газар чөлөөлөлт” ажлыг хойш татаад байна гэсэн хариулт өгч хэрэгжсэн ажил тун маруухан хэвээр байна.
    Төрийн байгууллагын хишгийг хүлээлгүй шинэ баригдаж байгаа орон сууцнаас сонголтоо хийх гэхлээр иргэд хэдэн арван жилээр идэх уухаасаа харамлан байж хуримтлуулж орон сууцны бараа харах болж байгаа юм. Тэгэхгүй банканд нүд аниад зээл авах гэхлээр барьцаа хөрөнгө шаардахын хажууд, хүү нь өндөр. Тийм болохоор иргэдэд цалингаараа нүүрсээ худалдаж аваад утаагаа “үйлдвэрлээд” суухаас өөр аргагүй байдалд орж байна. Шинэ баригдаж байгаа орон сууцнууд нь хөрөнгө мөнгөтэй хүмүүсийг орон сууцаа шинэчлэхэд нь зориулж барьж байгаа гэхэд дэгсдүүлсэн асуудал болохгүй биз ээ.
2012 онд банкны зээлийн хүү буурах юмуу? Аль эсвэл орон сууцны үнэ буурч иргэн та тав тухтай орон сууцанд орох боломж бий болов уу?

Танд хэрэгтэй

Орон сууцны үнэ буурах боломж байгаа эсэх талаар хүн бүр өөр өөрийн үндэслэлтэй санаа бодлыг ярьж байгаа. Иргэдийн мөрөөдлийг бодит биелэл болгон хувиргах боломж бололцоо хэр байгаа бол? Банкны зээлийн хүү өсөөд байгаа шалтгаан нөхцөл нь юу байгаа талаар Монголын Ипотекийн Корпорацийн гүйцэтгэх захирал Ц.Энхбаярын байр суурийг сонирхлоо.

Үнэ яагаад өсдөг юм бэ? Эрэлт ихтэй үед, материалын үнэ өссөн үед, зарлагаа нөхөхийн тулд, орон сууц барих газар нь үнэтэй, дэд бүтэц гэх мэт зүйлүүдээс шалтгаалан орон сууцны үнэ өсөж байна. Бас хямд өртөгтэй орон сууц баръя гэхлээр барилгын компаниуд алдагдалтай ажиллах гээд байна. Бизнесийн зарчимд алдагдалтай ажиллана гэдэг байж болохгүй гэдэг.

Банкны хүүг шууд бууруулна гэдэг “асуултын тэмдэгтэй” л асуудал. Өнөөдөр манайд эх үүсвэрийн зардал өндөр байгаа учраас хүү өндөр байгаа юм. Гэвч Монгол Улсын эдийн засгийн боломж иргэн бүртээ бага хүүтэй зээл олгох боломж байхгүй.

    Орон сууцны үнэ буурвал утааны асуудал шийдэгдээд, Улаанбаатар хот дэлхийн жишигт дүйх хот болох үндсэн суурь нь тавигдах юм. Нэг ёсондоо “нэг сумаар хоёр туулай” буудах сайхан боломж нь бүрдэх юм.
Моргейж, Ипотекийн зээл гэж яриад байгаа боловч иргэдийн дийлэнх хувь энэ талаар тодорхой мэдлэг мэдээлэл байхгүй байна. Хэрэглэгч хэрэглэх гэж байгаа бүтээгдэхүүнийхээ тухай мэдлэг хомс байвал өөрт бүрэн хэрэгцээтэй бүтээгдэхүүнээ худалдаж авч чадахгүй.
   Орон сууцны үнийн өсөлт буурах боломжтой болов уу? үнийн өсөлтийн талаар мэргэжлийн байгууллага ямар хариулт агч байгааг сонирхохыг хүсвэл МИК-ийн гүйцэтгэх захирал Ц.Энхбаярын ярианд анхаарлаа хандуулана уу?


Барилга өгүүлж байна

Барилга байгууламж гэдэг хэдэн арван, зуун жил өнгөрсөн ч тухайн цаг үеийнхээ түүхийг хадгалж үлддэг түүхийн гэрч гэж хэлж болно.
“Барилга.МН” сэтгүүл дугаар бүрээрээ хуучны түүхийн гэрч болсон барилгыг уншигч та бүхэнд танилцуулсаар байгаа билээ. Энэ удаад та бүхэнд “Гоожингийн өндөр” хэмээн нэрлэгдсэн байшингийн түүхийг хүргэж байна.
Нэрийг нь хараад л содон сонсогдож байгаа биз. Яагаад ийм нэртэй болсон, ямар түүхтэй барилга болохыг сонирхоод үзээрэй. Үүнийг тэмдэглэсэн миний бие өмнө нь эмээгийн ярианаас “Гоожингийн өндөр” гэж сонсоод ямар хачин нэртэй, ямар үүх түүхтэй барилга болохыг мэдмээр санагдаж байсан.

… “Козин” хэмээх нэрийг дуудахад бэрх тул монголчууд “Гоожин” хэмээн сунжруулан дуудах болсноос болоод … Танд “Гоожингийн өндөр”-ийн түүх таалагдана гэдэгт итгэлтэй байна.

Аян замын тэмдэглэл

Сэтгүүл сонин шимтэн уншдаг хүмүүсийн дийлэнх хувь нь аль нэг улс орны байшин барилгын үүсэл хөгжил, тэр улсын түүхийг сонирхон уншдаг гэсэн судалгаа байдаг. “Барилга.МН” аян замын хөтөч Бельги Улсын нийслэл Брюсель хотод байрлах нэгэн барилгын түүхийг дэлгэж байна.
Өвөрмөц содон хийц загвартай энэ цогцолбор барилгыг цамхаг гэхээргүй, бас пирамид ч гэж хэлэхээргүй. Уншигч та бүхэн хараад ямар сонин барилга вэ гэж гайхаж байна уу? Тэгвэл Атомиум барилгын түүхтэй танилцна уу?

… Атомын энергийг шинжлэх ухаанд энхийн зорилгоор ашиглахыг уриалан дэмжсэн үндсэн санааг энэхүү барилга гадна хэлбэрээрээ илэрхийлж байдгаараа онцлог. 102 метр өндөр бөгөөд хоорондоо бөмбөрцөг хэлбэртэй есөн хэсгээр холбогджээ. Эдгээр бөмбөрцгүүд төмрийн талстыг илэрхийлж байгаа агаад байгалийн талстын хэмжээг 165 тэрбум дахин томруулан урласан аж …

Hand made

Гэрийн эзэгтэй та гэрийнхээ дотоод чимэглэлд их мөнгө зарцуулахгүйгээр хэрхэн гоёмсон чамин харагдуулах вэ? Гэж бодож байна уу? Одоо энэ нэг их бэрхшээлтэй биш болсон. Бид сэтгүүлийнхээ дугаар бүрээр гар аргаар, гарын доорх материалаа ашиглан хаана, хэзээ ч давтагдашгүй загвартай бүтээгдэхүүн хийх аргыг зааж өгдөг билээ.
    Энэ удаа өдөр болгоны хэрэглээ кофейн ашиглан чамин чимэглэл хийх, гоёмсог чамин дэр хийх аргыг танилцуулж байна. Дэр гэдэг хүнийг унтаж амрахад хамгийн чухал үүргийг гүйцэтгэхээс гадна гэрийн интерьерт тэргүүн байр эзэлдэг гэдгийг мартаж болохгүй шүү. Таны хийсэн чимэглэл дэрийг хараад найз нөхөд чинь хаанаас авсан, ямар үнэтэй юм бэ? Гэж асуух нь ойлгомжтой.
    Магадгүй гарын доорх материал ашигласан гэж сонсоод таныг ямар уран, юмханаар юм хийж чаддаг гайхалтай гэрийн эзэгтэй гэж магтах нь энүүхэнд.
     Зөвхөн гэрийн эзэгтэй гэлтгүй ирээдүйн айл гэрийн өнгө төрхийг илтгэх охид бүсгүйчүүд хүртэл хийж болох энгийн хэрнээ гайхалтай чимэглэлүүдийг санал болгож байна.

Хаус Хаус

Тохилог дулаахан гэр орон аз жаргалтай гэр бүлийн нэгэн нууц. Уншигч та амины орон сууц барихаар шийдэж хэнээс зөвлөгөө авч юу хийхээ мэдэхгүй эргэлзэж байгаа бол түр хүлээн “Барилга.МН” сэтгүүлийн хуудсыг эргүүлэхийг зөвлөж байна. Байшин барих гэдэг тийм ч амар ажил биш. Нарийн тооцоо төсөвтэй байхгүй бол танд санхүүгийн хүндрэл үүсч байшингаа дуусгаж чадахгүйд хүрэх болно. Тийм учраас таны ажлыг хөнгөвчлөх үүднээс бид та бүхэнд мэргэжлийн байгууллагатай хамтран нарийн төсөвтэй цогц мэдээллийг хүргэж байна. Төлөвлөж хийсэн ажил цаг зав, санхүүгийн асуудлыг бүрэн шийдэх боломжыг олгодог. Хэрвээ таньд өөрөө барихад хүндрэлтэй байгаа бол тухайн байгууллагаар нь чанарын өндөр түвшинд бариулж ч болно.

Өвлийн цагт Улаанбаатар хотын утаанаас түр холдон амралтын өдрүүдээ цэвэр агаарт гэр бүлээрээ өнгөрөөхийг хүсдэг болсон үед зуслан дээрээ тохилог сайхан барих гэж байгаа хүмүүс түр хүлээн сэтгүүлийн хуудсыг эргүүлээрэй

Айл бүхний дээвэр дор аз жаргал байг

Үнэ ханш

Өвлийн улиралд орон сууц хайхад хэцүү байна уу? Авто замын түгжрэл, хүйтэн жавар гээд байр хайж явахад тийм ч таатай биш байгаа биз. Тэгвэл түр хүлээгээд Барилга.МН сэтгүүлийн Үнэ ханш гэсэн хуудсыг эргүүлээд үзээрэй.
Барилгын салбарын мэдээллийг нэг дор багтаасан “Барилга.МН” сэтгүүлийн 2012 онд болон 2013 онд Улаанбаатар хотод ашиглалтанд орох гэж байгаа болон орсон шинэ орон сууцны мэдээлэл шинэчлэгдэн гарлаа.
Улаанбаатар хотын бүх дүүргүүдэд хаана ямар байршилтай, м2 нь ямар үнэ өртөгтэй шинэ орон сууц байгааг мэдэж авна. Мөн амины орон сууцандаа засвар хийх гэж байгаа иргэддээ зориулан барилгын материалын өргөн хэрэглээний материал бүтээгдэхүүний үнийг шинэчлэн гаргалаа.

"Барилга.МН" сэтгүүлийг