“АНУ-д үл хөдлөхийн чиглэлээр ажиллах боломж” сэдвээр уулзалт хэлэлцүүлгийг амжилттай зохион байгууллаа.

МҮХАҮТ-ын дэргэдэх Үл хөдлөх хөрөнгө, зах зээл хөгжлийн зөвлөлөөс санаачлан гишүүд, реалтор, менежерүүдэд зориулан “Гадаадад ажиллах боломж” уулзалт семинарыг энэ сарын 28 нд зохион байгууллаа. АНУ-ын Virginia, DC, MD хотуудад лицензтэй Үл хөдлөх хөрөнгийн салбарт ажилладаг хатагтай Л.Туяатай хамтран зохион байгуулсан энэхүү сургалтад 62 бизнес эрхлэгч хамрагдсан бөгөөд санал бодлоо солилцон, реалторын эрх үүрэг, хариуцлага, АНУ-д үл хөдлөх хөрөнгө зарж борлуулах, үе шат дамжлага гэх мэтчилэг сонирхсон асуултандаа хариулт авцгаасан.

МҮХАҮТ-ын дэргэдэх Үл хөдлөх хөрөнгө, зах зээл хөгжлийн зөвлөл цаашид хатагтай Л.Туяатай хамтран төрөл бүрийн сургалт, мэргэжлийн ОУ-н үзэсгэлэнг зохион байгуулж, АНУ-д ажиллаж амьдардаг элэг нэгтнүүдээ эх орондоо үл хөдлөх хөрөнгөтэй болоход нь зуучлах юм байна.