Урин цагтай зэрэгцэн эх орны минь хот, хөдөө орон нутгийн өнцөг булан бүрт барилгын салбарын аж ахуйн нэгж, байгууллагууд их бүтээн байгуулалтынхаа нөр их ажлыг эхлүүлдэг билээ. Энэ бүтээн байгуулалтын ажилтай зэрэгцэн “Барилга.МН” сэтгүүлийн 4-р сарын шинэхэн дугаараа уншигч таны мэлмийн өмнө дэлгэж байна.
Хөнгөлөлтийн купон
Мөн гэртээ засвар үйлчилгээ хийхээр чанартай материал бүтээгдэхүүн худалдан авахаар хайж байгаа хэн бүхэнд зориулан 8,000,000 төгрөгийн хөнгөлөлтийн купоноо гаргалаа. Та эдгээр хөнгөлөлтийн купонуудаас өөрт хэрэгцээтэйгээ сонгож худалдан авч байгаа материал бүтээгдэхүүндээ хөнгөлөлт авах боломжтой. Купоны тоо, мөнгөн дүнгийн хэмжээ сар бүр нэмэгдэн шинэ материал бүтээгдэхүүн, шинэ хөнгөлөлтүүд нэмэгдлээ. Төрөл бүрийн хөшигнөөс сонголтоо хийгээд хөнгөлөлтөө авахаас гадна чанартай сантехникийн бараа гээд амьдрал ахуйд хэрэгцээтэй төрөл бүрийн материал бүтээгдэхүүн худалдаж авах хялбар боллоо.
Мэдээ мэдээлэл
Иргэдийн хамгийн их сонирхож байгаа мэдээлэл нь 100.000 айлын орон сууц хөтөлбөртэй холбоотой мэдээлэл юм. “Барилга.МН” сэтгүүл 3-р сарын дугаартаа ч “Шинэ бүтээн байгуулалт” хөтөлбөр буюу гэр хорооллыг барилгажуулах зорилготой 100.000 айлын орон сууц хөтөлбөрйн талаарх мэдээллийг хүргэж байсан билээ. Гэсэн ч иргэд ямар бичиг баримт бүрдүүлэх ёстой, хаана хандахаа тэр бүр мэдэхгүй байна. Мөн энэ хөтөлбөртэй холбоотойгоор иргэдийн дунд асууж, тодруулах, эргэлзсэн асуудлууд багагүй байгаа билээ. Тиймээс “Барилга.МН” сэтгүүл иргэдэд үнэн зөв мэдээлэл хүргэх үүднээс мэргэжлийн байгууллагуудаас албан ёсоор авсан хариултыг та бүхэндээ хүргэж байна. Мянга сонсохоор өөрийн нүдээр нэг удаа уншаад үзээрэй.Мөн 100.000 айлын 6%-ийн хүүтэй зээлд хамрагдах боломжтой орон сууцны эхний ээлжийн жагсаалт, ЗТБХБЯ-аас сүүлд дахин гаргасан шинэ жагсаалтын хамт уншигч таны гарт хүргэж байна.
Онцлох хүн
“Барилга.МН” сэтгүүл сар бүр тухайн сарынхаа “онцлох” эрхмийг сэтгүүлийнхээ “Онцлох хүн”-ээр тодруулж ажил хэргийн талаар энгийн яриа өрнүүлдэг билээ. Энэ дугаарын “Онцлох хүн”-ээр үүрэгт ажлаа аваад удаагүй байгаа ЗТБХБ-ын сайд Ц. Дашдорж уригдан оролцлоо. Тэрээр Монгол Улсын хөгжлийн тулгуур багана болсон зам, барилгын салбарыг удирдан чиглүүлэх эрхийг аваад удаагүй байгаа ч багагүй ажлыг амжуулаад авчээ. Ингээд түүнтэй барилгын салбарын одоо, ирээдүй, барилгын салбарт тулгамдсан нэн тэргүүнд шийдвэрлэх хэрэгтэй ямар асуудал байгаа талаар цөөн хэдэн хором ярилцлаа.
Түүнийг энэ салбарын сайдаар сонгогдоход “салбараа мэддэг сайдтай боллоо” хэмээн барилгынхан олзуурхаж байсан. Учир нь тэрээр барилгын салбарын тогоонд ажиллаж, амьдарч байсан мэргэжилтний хувьд салбарынхаа ажлыг мэддэг хүн гэж болно.
Ингээд Ц.Дашдорж сайд салбарынхаа ирээдүйг хэрхэн харж, ямар ажлууд хийхээр төлөвлөж байгаа бол?
... Өнөөдрийн байдлаар манай улс нийт цементийн хэрэглээний 35, арматурын хэрэглээний 30 хувийг дотоодоосоо хангаж байгаа. Энэ нь барилгын үнэ өсөх үндсэн шалтгаан болсон. Удахгүй асуудлыг Засгийн газрын хуралдаанд оруулахаар бэлтгэл ажлыг хангаж байна ...
Идэвхтэн бичигч
Барилгын салбарын болоод үл хөдлөх хөрөнгийн мэдээллийг уншигч та бүхэнд хүргэхийг зорьдог “Барилга.МН” сэтгүүл барилгын салбарын мэргэжилтнүүд болон энэ салбарыг сонирхон судалдаг хэн бүхэнд “Идэвхтэн бичигч” уралдааныг зарлаад багагүй хугацааг үдэж байгаа билээ. Бидэнд хаяглан ирүүлсэн материал болгоныг сэтгүүлээрээ дамжуулан олон нийтэд хүргэж байна. Энэ удаа МУ-ын Зөвлөх эдийн засагч, барилгын инженер эдийн засагч Т.Норовжавын “Тууштай хэлэлцэж, түргэн шийдвэрлэж, тогтмол ажиллая” сэдэвт материалыг хүргэж байна.
... Барилга угсралтын ажлын тодорхой хэсгийг барилгын “үйлдвэрлэлийн зохион байгуулалт, үйлчилгээ”-тэй холбогдолтой өөрөөр хэлбэл бидний нэршиж заншсан “нэмэгдэл зардал” эзэлдэг. Нэмэгдэл зардлын төсөвт хэмжээний бодит байдлын түвшингээр гүйцэтгэгч байгууллага, аж ахуйн нэгжийн үйл ажиллагааны үр дүнг тодорхойлдог боловч нэмэгдэл зардлын нормчлалын уламжлалт тогтолцоо нь өөрийн “албадлагын” “зарлаган” “хөшүүн” шинж чанараа амьдралд үнэ бүрдүүлэх үүргээ биелүүлж чадахгүй болж машинтай зүйрлэвэл хөдөлгүүр нь цохих гээд байх юм ...
Хэн юу хэлэв?
Орон сууцны үнэ өсөж байна. Үнэ чухам ямар шалтгаантай өсөж байгааг хүн бүр өөрөө өөрийнхөөрөө тайлбарлаж байгаа. Тэгвэл орон сууцны судалгаа шинжилгээ хийдэг мэргэжилтэн, барилгын салбарт үйл ажиллагаа явуулдаг байгууллагуудын төлөөлөл болсон хүмүүс юу гэж ярьсан бол? 2012 онд мөнгөний ханш унана гэсэн хандлагаар бэлэн мөнгөө үл хөдлөх болгох болсон нь нөлөөлсөн. Мөн 2012 онд сонгуультай холбоотойгоор бэлэн мөнгө тараагдана гэсэн сургаар үнэ нэмэх хандлага гарсанаар 2011 оны 4-р улиралд орон сууцны үнэ огцом 12 хүртлэх хувиар өссөн
Орон сууцны үнийг буулгах гэхээсээ илүүтэй бид худалдан авагч талдаа орон сууц худалдан авах эдийн засгийн боломжийг бүрдүүлэх нь илүү үр дүнтэй. Тодруулбал орон сууцны урт хугацааны зээлийн сонгодог тогтолцоог бүрдүүлэх шаардлагатай.
Орон сууцны үнэ өсөж буй шалтгаан нь өнөөдрийн байдлаар 2010-2011 онуудад баригдаж эхэлсэн хөрөнгө оруулалтаа өөрсдөө хийсэн, газраа өөрсдөө худалдаж авсан хувь хүмүүсийн 2000-3500 айлын орон сууцнууд байгаа бөгөөд эдгээрийг “100 мянган айлын орон сууц” төсөлд хамруулах гэж оролдсноос болоод үнэ өсч байна.
Аян замын тэмдэглэл
... Байрандаа орж очиход хамгийн түрүүнд халуун агаарт дураар сэрүүцэхийг хүсэх хэн бүрт зориулсан усан сан бүхий гадаалах талбайтай. Тийм ч учраас энд та хэрвээ хүсэх юм бол хувийн харшдаа хувийн усан сандаа өөрийн дураар цагаа өнгрөөх боломж байж болно. Мэдээж та хувийн усан сангүй өрөөнд буудаллая гэвэл гадаа далайн эргийн яг дэргэдхэн нийтийн усан сан наран шарлагын газартай. Тавилга сэлтийг хүрэн зандан модоор хийсэн байх бөгөөд дал мод хашаан дотор чинь хэд хэдээр байрлуулсан байх нь халуун орны уур амьсгалыг мэдрүүлнэ. Усан сандаа сэлээд гарахдаа наранд биеэ ээн хэвтэх зөөлөвчтэй модон сандалууд сүүдэрт тухлан суух зөөлөн дэвсгэр бүхий, дэртэй, саравчит сэрүүвч тавьсан байлаа. Байшинг модоор хийсэн бөгөөд тайландад борооны улирал гэж байдаг учраас дээврийг борооны ус тогтхооргүй налуу босгож хийсэн нь Тайландын уламжлалт барилгын хэв загварыг тод харуулжээ ...
Хаус Хаус
Тохилог дулаахан гэр орон аз жаргалтай гэр бүлийн нэгэн нууц. Уншигч та хямд өртөгтэй амины орон сууц барихаар шийдэж, хэнээс зөвлөгөө авч юу хийхээ мэдэхгүй эргэлзэж байгаа бол түр хүлээн “Барилга.МН” сэтгүүлийн хуудсыг эргүүлэхийг зөвлөж байна. Урин дулаан цаг ирж байгаа энэ үед зуны налгар өдрүүдийг цэвэр агаарт гэр бүлээрээ тав тухтай өнгөрөөх хамгийн сайхан боломж “Барилга.МН” сэтгүүлийн “Хаус Хаус” буланд байгаа гэдгийг дуулгаж байна. Байшин барих гэдэг тийм ч амар ажил биш. Нарийн тооцоо төсөвтэй байхгүй бол танд санхүүгийн хүндрэл үүсч байшингаа дуусгаж чадахгүйд хүрэх болно. Тийм учраас таны ажлыг хөнгөвчлөх үүднээс бид та бүхэнд мэргэжлийн байгууллагатай хамтран нарийн төсөвтэй цогц мэдээллийг хүргэж байна. Төлөвлөж хийсэн ажил цаг зав, санхүүгийн асуудлыг бүрэн шийдэх боломжыг олгодог. Хэрвээ таньд өөрөө барихад хүндрэлтэй байгаа бол тухайн байгууллагаар нь чанарын өндөр түвшинд бариулж ч болно.
Хамгийн гол нь мэргэжлийн хүмүүсийн гаргасан бодит төсөв тооцоо гэдгийг санах хэрэгтэй юм. Мэргэжлийн байгууллага таныг шинэхэн байшиндаа тавилгаа аваад нүүж ороход бэлэн болгож өгдөгөөрөө давуу талтай.
Айл бүхний дээвэр дор аз жаргал оршиж байг
Үнэ ханш
Орон сууц сонгох гэж элдэв янзын сонин сэтгүүл эргүүлж байна уу? Түр хүлээ! Таны эрэл хайгуул болоод байгаа мэдээлэл нэг дор байна. Барилгын салбарын мэдээллийг нэг дор багтаасан “Барилга.МН” сэтгүүлийн 03 сарын дугаарт Улаанбаатар хотод ашиглалтанд орох гэж байгаа болон орсон шинэ орон сууц болон хуучин орон сууцны мэдээллийг дүүргүүдээр нь бүсчилэн гаргалаа. Шинэ орон сууц болон хуучин орон сууцны үнэ сар бүр бага хэмжээгээр өсөн нэмэгдэж байна. Үүнийг холбогдох мэргэжлийн байгууллагууд эрэлт ихэссэнээс үүсэлтэй гэж үзэж байгаа бөгөөд эрэлтийг нь дэмжээд өгвөл орон сууцны үнэ буурах боломжтой хэмээн үзэж байгаа юм. Мөн орон сууцны үнийн хэлбэлзлэлийг 100,000 айлын орон сууц хөтөлбөр хэрэгжиж эхлэх гэж байгаа болохоор тэрнээс өмнө орон сууцаа борлуулах өрсөлдөөнөөс үүссэн байж болох талтай.
Мөн амины орон сууцандаа засвар хийх гэж байгаа иргэддээ зориулан барилгын материалын өргөн хэрэглээний материал бүтээгдэхүүний үнийг шинэчлэн гаргалаа. Барилгын материалын үнэ харьцангуй тогтвортой байгаа ч засвар үйлчилгээ, барилгын ажлын улирал эхэлж байгаа болохоор материал бүтээгдэхүүний үнэ бага зэрэг өсөх магадлалтай.
Та "Барилга.МН" сэтгүүлийг
Сэтгэгдэл