“Цэцэг” төвийн уулзварыг нээлээ

“Цэцэг” төвийн уулзвараас Ус цаг уурын хүрээлэнгийн уулзвар хүртэлх замын хөдөлгөөнийг энэ сарын 6-нд нээхээр төлөвлөж байсан бол замын хучилтын ажил дуусан тул өнөөдрөөс нээж, автозамын хөдөлгөөнийг хэвийн үргэлжлүүлэх боломжтой боллоо. Улсын баяр наадмын өмнө найман замын хөдөлгөөнийг бүрэн нээхээр төлөвлөсөн байгаа бөгөөд зам барилгын ажлуудын хувьд зорчих хэсгийг нээж эхэлсэн байна. Харин олимпийн гудамжийг Их сургуулийн гудамжтай холбон дөрвөн замын уулзвар болгох 0.5 км замын зорчих хэсгийг маргааш өглөө бүрэн нээх бололтой.