Тайванийн бизнесийн салбарт амжилттай ажиллаж байгаа, нэр хүнд бүхий бизнесмэнүүд Улаанбаатарт айлчлаад байна. Тэд өнөөдөр Нийслэлийн Засаг даргын орлогч Д.Ганболдтой уулзсан юм. Монгол Улсын чөлөөт бүсэд хөрөнгө оруулах, Улаанбаатар хотод хямд өртөгтэй орон сууц барих чиглэлээр хамтарч ажиллах нөхцөл бололцоо бий эсэх талаар судлахаар ирсэн хэмээн Тайванийн Гадаад харилцааны яамны Баруун Азийн хэлтсийн нарийн бичгийн дарга Вэй Шин Жөү хэллээ.
“Засгийн газраас зарласан 100 мянган айлын орон сууц хөтөлбөр хэрэгжээд эхэлчихлээ. Өмнө нь 40 мянган айлын орон сууц хөтөлбөр амжилттай хэрэгжиж дууссан байгаа. Гэсэн ч орон сууцны эрэлт хэрэгцээ маш их бий. Улаанбаатарт хотод амьдарч байгаа иргэдийн дийлэнх нь орчин үеийн орон сууцанд орж чадаагүй. Өнөөдрийн өртөг худалдан авах чадвараас нь өндөр байгаа.
Манай улсад тэр дундаа дэд бүтцийн салбарт ихээхэн өөрчлөлт орж буй. Барилга байгууламж нэмэгдэхийн хэрээр шинэ суурьшлийн бүс өдрөөс өдөрт хаяа тэлж байгаа. Хүн амынх нь талаас илүү хувь нийслэлдээ төвлөрсөн гээд Улаанбаатарт шийдэх асуудал олон бий. Хүн амын амьжиргааны түвшинг дээшлүүлэхээс эхлээд шат дараалсан маш олон ажил хийж байгаа. Энэ бүхэн лүү чиглэсэн хөрөнгө оруулалт чухал гэдгийг энэ үеэр онцоллоо.
Сэтгэгдэл