“Барилга.МН” сэтгүүлийн 10- р сарын дугаар худалдаанд гарлаа

Танд хэрэгтэй

Улаанбаатар хотын гэр хорооллыг орон сууцжуулах хөтөлбөр яригдаж эхлээд багагүй хугацааг үдэж байна. Хөтөлбөр эхнээсээ хэрэгжиж эхэлж байгаа ч барилгын ажил удаашралтай явагдаж, газар чөлөөлөлтийн асуудал хэл ам дагуулсаар байна. Иргэдийн дунд ч хэзээ орон сууцанд амьдрах бол гэсэн бодол мөрөөдөл хэвээр байсаар л байна.

Жил ирэх бүр орон сууцны үнэ өсөн нэмэгдэж байна. Өнөөдөр Монголчуудын амьжиргааны түвшин ямар байгаа билээ, хэдэн хувь нь ажилтай байна гээд бодоод үзэхээр орон сууцанд амьдарна гэдэг мөрөөдөл болон хувирч байгаа юм. Тэр дундаа залуу гэр бүлүүдэд байрны тухай бодол илүүц болж хувирах биз. Харин одоо байртай болох асуудал тийм ч алс холын мөрөөдөл биш болсон гэдэг таатай мэдээг хүргэж байна.

... Нэгэнт байр авахаар шийдсэн бол эхлээд зээлийн судалгаа, сонголтоо хийх хэрэгтэй. Мөн би аль банкнаас ямар хүүтэй, хэдий хугацааны зээл авбал тохирох бол, миний орлого энэ банкны нөхцөлтэй тохирч байна уу гэдгээ эхлээд мэдэх ёстой.

Байр авах гэж байна уу?

Хуримтлуулсан мөнгөөрөө эсвэл банкнаас зээл авч байр авах гэж байгаа иргэдэд зориулан “Барилга.МН” сэтгүүл дугаар бүрээрээ “Байр авах гэж байна уу?” зөвлөгөөг хүргэж ирсэн билээ. Энэ удаа орон сууцныхаа барилгыг хэрхэн сонгох талаар зөвлөж байна.

Шинэ байр худалдан авах гэж байгаа бол танил тал, найз нөхдийнхөө аман рекламанд хуурталгүй өөрийн биеээр шалгаж үзэх хэрэгтэй гэдгийг зөвлөж байна. Ам дамжсан рекламанд орж байр худалдан авсан иргэдийн 50% -ийг аз ивээн чанартай байр сонгосон байдаг.

Тэгэхлээр та байрныхаа сонголтыг зөв л хийхгүй бол эсвэл хяналтаа тухайн барилгыг барих явцад нь сайн хэрэгжүүлж чадахгүй бол ашиглалтын явцад гарах засвар үйлчилгээ, доголдол зэрэг нь улам л их болохын зэрэгцээ үүнийг гүйцэтгэгч компани засаж өгнө гэдэгт бараг л найдахгүй байсан чинь дээр.

За олон зүйл нуршилгүй барилгаа сонгоход дараах хэдэн төрлөөр шүүчихсэн байхад гэмгүй ...

Аян замын тэмдэглэл

Барилгын салбарын хөгжлөөрөө дэлхийд тэргүүлдэг улс орны нэг нь Сингапур улс. Энэ удаагын аялал Сингапур улсад зочиллоо. Архитектурын өвөрмөц содон хэв загвар шийдэлтэй олон барилгуудаас Сингапурын Шинжлэх ухаан, урлагын музейн барилгыг онцоллоо. Холоос харахад л сонирхол татахаар гайхалтай харагдаж өөрийнхөөрөө “Азийн сувд” гэж нэрлэлээ.

Арван хуруугаа дэлгэсэн хоёр гарын алгыг дүрсэлсэн бөгөөд энэ нь “Снгапурт тавтай морил” гэдэг билэгдэл юм. Зарим эх сурвалжид дэлгэрч буй бадамлянхуа цэцгийг дүрсэлсэн гэж бичсэн байх нь ч бий. Хамгийн өндөр цэцгийн дэлбээ нь газраас 60 метр өндөрт байрладаг. Дэлбээ бүрт урлаг, шинжлэх ухаан, технологи, дизайн, архитектур зэрэг өөр өөр үзмэрийн хэсгүүдээс бүрдсэн нийт 21 галерей байрладаг нь үнэхээр урлаг, шинжлэх ухааны иж бүрэн цогцолбор болон сүндэрлэж байна.

Дээврийн хотгорыг ашиглан борооны ус хуримтлуулахаар тооцоолсон байх бөгөөд борооны ус дээврийн гол төв хэсэгт байрлах нүхээр доош 35 метрийн өндөртэй хүрхрээ болон унаж хуримтлагдан барилгын ариун цэврийн өрөөнүүдэд ашиглагддаг байна, тун ч ухаалаг шийдэл байгаа биз. Ингээд хамтдаа Сингапурын гайхамшигтай музейгээр аялцгаая.

Барилга өгүүлж байна

“Түүхээ мэдэхгүй хүн Ойд төөрсөн сармагчин лугаа адил” гэсэн мэргэн үг байдаг. Хэн бүхний нүдэнд ил харагддаг нэгэн байшин өөрийнхөө түүхийг уншигч таньтай хуваалцаж байна. Монгол бөхийн өргөөний зүүн талд нэг давхар жижигхэн цэнхэр байшин байдгийг хүн болгон мэддэг боловч дотор нь юу байдаг, ямар үүх түүхтэй байшин гэдгийг тэр бүр хүн мэдэхгүй.

Улаанбаатар хотын бүх зам, байшин барилгыг нэвт шувт мэддэг таксины жолооч хүртэл тэр байшинг мэддэггүй гээд бод доо. “Мэддэг нэг нь ийм байшин байж л байдаг юм нурааж хаяаад орчин үеийн барилга барьвал таарна” гэх Монголтой ч таарч л байлаа.

Зарим тийм хүмүүст үүх түүх нь биш гоё ганган барилга нь чухал байдаг бололтой. Дэлхийд хөгжлөөрөө тэргүүлдэг улс орны жишгийг харахад эртний түүхт барилгуудаа онцлон түүгээрээ аялал жуулчлалын гол түлхүүрээ болгосон ч байдаг.

99 жилийн өмнө Их хүрээнд хамгийн чамин тансаг байшин болж баригдсан энэ жижигхэн байшингийн түүх хэн бүхэнд сонин байна гэдэгт итгэлтэй байна.

... Оросын хаант ширээ унахыг бэлгэдэн гар гараасаа хөтлөлцөн алхах ардуудыг модоор сийлсэн ба ширээний дөрвөн хөлийг дээш харуулж байрлуулсан нь ...

Хаус Хаус

Тохилог дулаахан гэр орон аз жаргалтай гэр бүлийн нэгэн нууц. Уншигч та амины орон сууц барихаар шийдэж хэнээс зөвлөгөө авч юу хийхээ мэдэхгүй эргэлзэж байгаа бол түр хүлээн “Барилга.МН” сэтгүүлийн хуудсыг эргүүлэхийг зөвлөж байна. Байшин барих гэдэг тийм ч амар ажил биш. Нарийн тооцоо төсөвтэй байхгүй бол танд санхүүгийн хүндрэл үүсч байшингаа дуусгаж чадахгүйд хүрэх болно. Тийм учраас таны ажлыг хөнгөвчлөх үүднээс бид та бүхэнд мэргэжлийн байгууллагатай хамтран нарийн төсөвтэй цогц мэдээллийг хүргэж байна. Төлөвлөж хийсэн ажил цаг зав, санхүүгийн асуудлыг бүрэн шийдэх боломжыг олгодог. Хэрвээ таньд өөрөө барихад хүндрэлтэй байгаа бол тухайн байгууллагаар нь чанарын өндөр түвшинд бариулж ч болно.

Өвөл цаг хаяанд ирж байгаа энэ үед Улаанбаатар хотын утаанаас түр холдон амралтын өдрүүдээ цэвэр агаарт гэр бүлээрээ өнгөрөөхийг хүсдэг болсон үед зуслан дээрээ тохилог сайхан барих гэж байгаа хүмүүс түр хүлээн сэтгүүлийн хуудсыг эргүүлээрэй

Айл бүхний дээвэр дор аз жаргал байг

Монгол интерьер

Гэрийн болон албан тасалгаа бүр цаашлаад байгууллагын тань дотоод засал, интерьер таны сэтгэлд нэг л таарахгүй гадаадын сэтгүүл эргүүлж сууна уу?

Тэгвэл та тэр сэтгүүлээ хойш тавиад “Барилга.МН” сэтгүүлийн “Монгол интерьер” буланг сөхөөд хараарай. Гадаадын сэтгүүлийн интерьер хамгийн сайн мундаг гэсэн ойлголтыг толгойноосоо авах цаг болж. Монголын дизайнеруудын хийж байгаа бүтээлүүд гадаадын нэр хүндтэй сэтгүүл дээр гардаг гоёмсог интерьерүүдээс дутахааргүй харагдаж байгаа биз. Гадны оронд Монгол хүмүүсийг аливаа зүйлийг сурах, шинийг санаачлахдаа сайн гэсэн үнэлгээг авдаг.

Дэлгүүрээс өөрийнхөө санаанд тохирох тохирохгүй тавилганууд авч хооронд нь зохицуулж тавих гэж байхаар мэргэжлийн хүмүүст нь хандан өөрийн санаанд тохирох зөвхөн танайд байх цор ганцхан интерьерээ Монгол дизайнаруудаараа хийлгэх боломжтой болсон байна шүү.

Хамгийн чамин тансаг загвар хийцтэй интерьерийн загварыг сар тутмын “Барилга.МН” сэтгүүлээс харж хүссэн загвар дизайнаа хийлгээрэй.

Зөвлөгөө

Хүйтний улирал наашилж байгаа цагт хүмүүсийн эрж хайж байгаа гол бүтээгдэхүүн нь халаалтын системийн талаарх мэдээлэл байдаг. Өвлийн жавар тачигнасан өдрүүдийг дулаан тав тухтай давахад хэрэг болохуйц мэдээлэл, дулааны системийн талаарх мэдээллийг сэтгүүлээрээ дамжуулан хүргэхийг зорьж байна. Халаалтын систем гэж ярихаасаа өмнө танай байрны дулаан алдагдлыг бууруулах талаар арга хэмжээ авах нь зүйтэй. Мөн дулааны системийн талаарх мэдээллийг ч марталгүй багтаалаа.

... Цонхоор дулаан алдагдал

1. Цонхны зай завсраар

2. Шилээр гэсэн 2 замаар алдагддаг бөгөөд хуучин сайтар дулаалах цонхоо солих сайжруулах замаар асуудлаа шийдвэрлэж болох юм.

Дулаан алдагдлын хамгийн сайн “хулгайч” нь агааржуулалтын систем бөгөөд одоо манай орон сууц болон хувийн сууцанд хийсэн агааржуулалтын системийг том хэмжээтэйгээр сонгосон байдаг ...