Офицеруудын ордны тойргоос Чулуун-Овоо хүртэлх авто замыг хаалаа

Баянзүрх дүүргийн бүтээн байгуулалтын ажлын хүрээнд өчигдөр оройноос эхлэн Офицеруудын ордны тойргоос Чулуун-Овоо хүртэлх авто замын хөдөлгөөнийг хаалаа. Тус замыг хааснаар Офицеруудын ордны тойргоос Чулуун-Овоо хүртэлх хэсэгт үерийн ус зайлуулах суваг татаж, засварын ажил хийхээр болжээ. Зам засварын ажлын хүрээнд хийгдэж буй үерийн усны далангийн ажил ирэх тав дахь өдөр гэхэд бүрэн хийгдэж дуусна. Энэ тав дахь өдрийн өглөөний 7 цаг гэхэд Чулуун-Овооны автозамыг нээх аж. Зам нээтэл замын хөдөлгөөнд оролцож буй жолооч нарыг соёлтой оролцохыг Замын цагдаагийн газраас анхаарууллаа.