Англид орон сууцны үнэ буурчээ.

Их Британид орон сууцны дундаж үнэ 2011 оны 6 дугаар сард өмнөх сараас дөнгөж 0.3 хувиар нэмэгдэж 168,205 фунт стерлинг (270,255 ам.доллар)-д хүрсэн тухай Nationwide Building Society байгууллагаас 2011 оны 6 дугаар сарын 30-ны өдөр мэдээллээ. Улирлаар авч үзвэл 2011 оны II улиралд Их Британий 13 бүс нутгийн 12-т нь орон сууцны үнэ буурчээ. Дээрх байгууллагын судлаачдын үзэж буйгаар орон сууцны үнэ 2011 оны сүүлийн хагаст онцын өөрчлөлтгүй байх нь. “2011 оны үлдсэн хугацаанд орон сууцны үнэ огцом өөрчлөгдөнө гэсэн таамаг дэвшүүлэхэд хүндрэлтэй байна. Ирэх саруудад эдийн засгийн өсөлт ажиглагдах хэдий ч энэ нь аажмаар явагдах тул ажил олголт, цалин хөлсний хэмжээ ихээр нэмэгдэхгүй нь” гэж Swindon дахь ахлах эдийн засагч Robert Gardner хэллээ.