Түр оршин суух 300 айлын орон сууц барихаар болов

Инженерийн шугам сүл­жээнд холбогдоогүй, ердийн галлагаатай бөгөөд контор, агуулах, гарааш, уурын зуух зэрэг байгууламж бүхий 1200 ам.метр талбайтай хуучны барилгыг нийслэлийн өмчийн бүртгэлээс хасахаар НИТХ-ын тэргүүлэгчдийн хурлаас тогтоол гарлаа.

Нийслэлийн Сүхбаатар дүүр­гийн 11 дүгээр хорооны нутагт байрлах Өмчийн харилцааны газ­рын актлагдсан “Second hand” барааны дэл­гүүрийн суурин дээр шинээр баригдах орон сууцны VII хорооллын газ­раа чөлөөлж өг­сөн иргэдийн түр оршин суух 300 айлын орон сууц барих юм. Хуучнаар “Сүх жанжин” нийслэлийн өмчит үйлд­вэрийн газрын хөрөнгөнд бүрт­гэлтэй энэ барилга нь 100 айл буюу Иргэний бүртгэл мэ­дээл­лийн төвийн баруун урд байр­ладаг бөгөөд анх 1950 онд бага сургуулийн зориулалтаар ашиг­лалтад орж байжээ. “Шинэ Улаанбаатар”  хө­төл­бөрийн хүрээнд Ногоон нуур ор­чимд баригдах VII хорооллын барилгын ажил энэ онд эхэлнэ. Төсөл хэрэгжиж дууссаны да­раа уг орон сууцны барилгыг Нийслэлийн өмчид бүртгэх юм.

Монцамэ