Өнөө жил ерөнхий боловсролын 30 шахам сургуульд 20 гаруй мянган хүүхдүүд суралцах Архангай аймгийн багш нар “Нэгж хичээлийн бэлтгэл, хэрэгжилт, үнэлгээний чанар, өгөөжийг дээшлүүлье” сэдвээр бага хурал, семинараа хийж, анги танхимаа тохижуулан хүүхдийн инээд шуугиан цалгисан сургуульдаа ирцгээлээ.
Зарим сургуульд дуу хөгжмийн багш хүрэлцээгүйг эс тооцвол мэргэжлийн багш хүрэлцээтэй ажээ. Ихэнх сургуулийн урсгал засвар дуусч, хичээлийн бэлтгэл хангагдсан байна. Харин Тариат, Хашаат, Өлзийт зэрэг сумдын ахлах сургуулийн хичээлийн байрын их засвар, өргөтгөл шинэчлэл дуусаагүйгээс гэр, бусад байрт хичээлээ хийж эхлэхээр болоод байна. Мөн Цэцэрлэг, Батцэнгэл, Эрдэнэбулган суманд шинээр барьж буй хүүхдийн цэцэрлэгийн барилгуудын ажил удааширч зарим нь санхүүжилт саатсанаас зогсчээ.
Монцамэ
Сэтгэгдэл