Хөтөлийн цемент шохойн үйлдвэрийнхэн бүтээгдэхүүнийхээ чанарыг сайжруулахын хамт шинэ шугам суурилуулахаар эдийн засгийн тооцоо судалгаа хийж байгаа ажээ. Гэхдээ тус үйлдвэр энэхүү зорилтыг ганцаараа гүйцэлдүүлэх боломжгүй бөгөөд төрийн өмчийн хороо болон төсвийн мэдэлтэй эрхмүүдэд найдлага тавьж байгаа аж.
Хэдийгээр нэг тонн цементийн үнэ Улаанбааатар хотод 90 мянгаас хол давчихаад байгаа ч Хөтөлийнхөн энэ жил бүтээгдэхүүнийхээ үнийг нэмээгүй юм. Хөтөлийн М-400 маркийн цемент үйлдвэртээ тонн нь НӨАТ-гүйгээр 59 мянган төгрөг, ууттай нь 66060 төгрөг байгаа нь барилгынханд барьж буй бидний бэлэг хэмээн тэд ярьж байна. Гэтэл хойд хөршид Сибирийн хотуудад Хөтөлийнхтэй адил чанарын хувьд ялгаагүй цемент тонн нь 100 ам.доллараас хэтэрчихээд байгаа нь Оросуудын хорхойг хүргэх болж цемент авахаар Хөтөлийг зүглэдэг болоод байгаа гэнэ.
Сэтгэгдэл