Монголын Барилгын Инженерүүдийн Холбоо нь уламжлал ёсоороо 2009 оны шилдэг бүтээл, шилдэг гишүүдээ шалгаруулжээ.
“Оны шилдэг бүтээл”-ээр ШУТИС-БИАС-ийн Геотехникийн профессорын багийн тэргүүлэх профессор, шинжлэх ухааны доктор Д.Дашжамцын бичсэн Геотехникийн цуврал сурах бичиг “Хөрсний механик”, “Буурь, суурь”, “Тогтворгүй бүтэцтэй хөрсний механик” номууд,
“Оны шилдэг инженер”-ээр барилга угсралтын Дельта констракшн ХХК-ний ерөнхий захирал Ц.Эрдэнэбат, Ситиком интернэшнл ХХК-ний Зөвлөх инженер С.Батдэлгэр,
“Оны шилдэг залуу инженер”-ээр Автор ХХК-ний зураг төслийн инженер Л.Мөнхсайхан,
“Оны шилдэг оюутан”-аар ШУТИС-БИАС-ийн Иргэний ба үйлдвэрийн барилгын инженерийн 3 дугаар дамжааны оюутан Г.Билэгсайхан нар тус тус шалгарсан байна.
Мөн нэр дэвшигчдээсээ барилгын зураг төслийн салбарт үнэтэй хувь нэмэр оруулсныг нь үнэлж барилгын зураг төслийн “Хангайн нар” ХХК-ны цахилгааны инженер Л.Түвшинцэнгэл, зураг төслийн “Орхон конструкшн” ХХК-ны инженер Г.Амарзаяа нарт холбооны “Хүндэт өргөмжлөл”-ийг олгожээ.
Сэтгэгдэл