Нийслэлийн Засаг даргын захирамжийн дагуу "Хашаа" нэгдсэн арга хэмжээг зохион байгуулж, эзэнгүй, хашаа хатгаж, удаан хугацаанд зориулалтаар нь ашиглаагүй газрыг хуулийн дагуу эрхийг нь цуцалж байна.
Газраа авчихаад зориулалтаар нь ашиглаагүй хоёр жил болбол хуулийн дагуу хураан авах ёстой учир аж ахуй нэгжийн газрыг эзэмших эрхийг нь хүчингүй болгож дуудлага худалдаанд оролцуулах юм. Ийм байдалтай хоёроос дээш жил болсон 60 гаруй аж ахуй нэгжийн газар эзэмших эрхийг хүчингүй болгосноос гадна төлөвлөгөөний дагуу хоёр газарт дуудлага худалдааг ирэх сараас зохион байгуулах аж. Тухайлбал, Сонгинохайрхан дүүргийн 21-р хорооны нутагт Шижирийн аманд аялал жуулчлалын цогцолборын зориулалтаар 4 га газрыг, Баянзүрх дүүргийн 11-р хорооны нутагт "Ургах наран" хорооллын урд хэсэгт Налайх чиглэлийн автозам дагуу худалдаа үйлчилгээний зориулалтаар 3 га газрыг дуудлагаар худалдахаар болжээ.
Монцамэ
Сэтгэгдэл