Увс аймгийн төв Улаангомын гэр хорооллын цахилгааны шугам сүлжээний алдагдлыг бууруулах төслөөр тус хотын 6000 орчим өрх шинэ тоолууртай болжээ.
Дэлхийн банкны санхүүжилтээр 1 тэрбум 571 сая төгрөгөөр хэрэгжсэн энэ төслийг цахилгаан сантехник угсралтын Б.Энхжаргал захиралтай “Хүрд” ХХК жил гаруй хугацаанд гүйцэтгэсэн байна. Уг төслөөр 36 дэд станцыг шинээр угсарч заримыг засварлаж, 0.4кв-ын 70 шахам км шугам татаж, 1879 шон шинээр «ургуулсан» гэнэ.
Энэ төсөл хэрэгжсэнээр Улаангом хотод цахилгааны алдагдлыг 10 хувь хүртэл бууруулах боломжтой гэж Улаангомын Цахилгаан түгээх сүлжээ төрийн өмчит ХК-ийн гүйцэтгэх захирал Ц.Эрдэнэбаатар ярьлаа. Увс аймаг жилд 20 сая орчим квт цахилгаан хэрэглэдэг бөгөөд Улаангом хот хоногт 45-50 квт цахилгаан хэрэглэдэг юм байна.
Монцамэ
Сэтгэгдэл