Эрүүл мэндийн яам, Азийн хөгжлийн банк хамтран хэрэгжүүлж буй "Эрүүл мэндийн салбарын хөгжил-2" төслийн хүрээнд огт эмчгүй болон эмч дутагдалтай сум, сум дундын эмнэлэгт шилжин ажиллах хүсэлтээ гаргасан эмч нартай 3-5 жилийн хугацаатай гэрээ байгуулжээ. Гэрээнд заасан ёсоор, 13 аймгийн 45 суманд 46 эмчийг илгээн ажиллуулж байгаа аж.
Төсөлд хамрагдсан аймгууд болох Баянхонгор, Өвөрхангай, Завхан, Дорнод Хэнтий аймгуудын нийт 77 сумын эмчийг орон сууцтай болгосон байна. Эрүүл мэндийн салбарт оруулсан цогц хөрөнгө оруулалтын байдал газар дээрээ ямар байгаатай танилцаж, хяналт тавих зорилгоор Төслийн гүйцэтгэх захирал Д.Жаргалсайхан зөвлөхүүдийн хамтаар Баянхонгор, Өвөрхангай аймгуудад ажиллаж байна. Энэ төслийн хүрээнд аймаг, сумдын нийт 37 эмнэлгийн барилгыг шинээр барих болон их засварын ажлыг хийжээ.
Сэтгэгдэл