“Эрэл”-ийн тоосгоны үнэ гурав дахин нэмэгджээ

Барилгын ажил эхэлж байгаа энэ үед Улаанбаатарт зарагдаж байгаа барилгын 40 нэрийн барааны үнэд ҮСХ судалгаа хийжээ.

                Дотоодод үйлдвэрлэж байгаа материалаас нэг жилийн дотор "Эрэл" үйлдвэрийн улаан тоосго гурав дахин, палк хоёр дахин үнэд ороод байна. М-200 маркийн бетон зуурмаг 7.7, хөнгөн бетон 16.1, цемэнт 60.0, шалны ховилгүй банз 98.2 , захалсан банзны үнэ 81.2 хувь нэмэгджээ.

                БНХАУ-аас авдаг материалын үнэ жилээр биш, сараар өсөж байна. Энэ оны хоёр, гуравдугаар сард М-500 маркийн цементийн үнэ 16.7, цонхны шил 11.8-23.1, хадаас 20.0, тосон будаг 25.0, ханын цаас 50.0 хувь, улаан тоосго 2.0 дахин өсжээ. Жилийн өмнөхөөсөө цемент 75.0, цонхны шил 46.2-60.0, хар цаас 20.0, хадаас 38.5, тосон будаг 50.0, ханын цаас 66.7, шалны хулдаас 75.0 хувь, тоосго 2.7 дахин үнэд орсон байна.

Харин Оросын барилгын материалын үнэ харьцангүй тогтвортой байна. Өнгөрсөн оныхтой харьцуулахад хар цаасны үнэ 9.1, хадаас 33.3 , шохой 42.9 хувь нэмэгджээ.

МОНЦАМЭ