Төсөл хөтөлбөр

• Алсын зайд ус дамжуулах яндан хоолойн төсөл
• Үерийн хамгаалалтын систем
• Усан оргилуур
• Чаргайтын УЦС-ын ТЭЗҮ боловсруулах ажил
• Сэргээгдэх эрчим хүчний төслүүд
• Үйлдвэрийн ус хангамж
• Хөдөө Аж Ахуйн усан хангамж
• Мал сүргийн усан хангамж Хот суурин, хүн амын усан хангамж

Хэрлэн-Говь төсөл

Хэрлэн-Говь төслийн зорилго нь шар усны болон борооны үерийн ус хуримтлуулах сан байгуулж, тэндээсээ далд яндан хоолойгоор дамжуулах замаар хуримтлагдсан усны багахан хэсгийг Зүүн-өмнөд Говийн бүсэд хүргэхэд оршино.

Усан сангаас яндан хоолой, насос станцууд болон бусад холбогдох бүтээцүүд ашиглан усыг шахах ба яндан хоолой нь Сайншандын ойролцоо салаалж нэг шугам нь баруун урагш хазайж Цагаан Суврага, нөгөө шугам нь зүүн урагшаа чиглэн төмөр замын дагуу явж Замын-Үүд хүрнэ.

Хуримтлуулсан усны дийлэнх хэсгийг ган гачигтай хуурай улиралд Хэрлэн голын ус эрс багасах, тасрахаас хамгаалж сэлбэхэд ашиглах юм. Ингэснээр голын ай сав газрын экологи сайжирч, байнга тэнцвэртэй байх боломж бүрдэнэ.

Хэрлэн голын нийт урсацын 56-76%-ийг бүрдүүлэх атлаа хэдхэн хоног урсаад өнгөрөх борооны болон шар
усны үерийн усны нөөцийг хуримтлуулж ашигласнаар Шивээ-Овоогийн ДЦС, Цагаан Суврагын уул уурхайн
үйлдвэр, Замын-Үүдийн эдийн засгийн чөлөөт бүсийн ус хангамжийн асуудлыг шийдвэрлэх, говийн бүсийн
хот суурин, хөдөөгийн хүн амыг цэнгэг усаар найдвартай хангаж, эрүүл ахуйн нөхцлийг сайжруулах, Хэрлэн голын болон говийн бүс нутагт экологийн чадамжийг дээшлүүлэх зэрэг бүснутгийн эдийн засаг, нийгэм, экологийн тулгамдсан олон асуудлуудыг шийдвэрлэх боломж бүрдэнэ.

Орхон-Говь төсөл

Орхон-Говь төслийг хэрэгжүүлснээр дараах үр дүн гарна.
Үүнд:

• Голын өөрийнх нь экологийн тэнцвэрт байдал бий болно.
• Даланзадгад, Мандалговь хотуудын ус хангамжийн асуудал шийдэгдэнэ.
• Оюу Толгой, Таван Толгойн томоохон 2 уурхайн ус хангамж сайжирна.
• Нийт 50 мянган хүн ам бүхий 8 сумын төвийн ус хангамж бүрэн шийдэгдэнэ.
• Ус гаргалгааны 50 цэг байгуулах замаар нийт 100 мянган га талбай усжуулах, 135 мянган мал усаар хангах боломж бүрдэх бөгөөд бүс нутгийн эдийн засгийг тогтворжуулах, хөгжлийн асуудлуудыг шийдвэрлэх, суурин амьдралд шилжихэд тус дөхөм болно.
• 20 МВт суурилагдсан хүчин чадалтай Усан Цахилгаан Станц баригдана.

Төслийн төлөвлөгдсөн ус хэрэглээ, л/сек

A) Хот суурин газар - 154

• Булган, Хишиг-Өндөр сумын төв 5
• Булган, Дашинчилэн сумын төв 6
• Төв аймгийн Эрдэнэсант сумын төв 6
• Төв аймгийн Дэлгэрхаан сумын төв 5
• Дундговь, Эрдэнэдалай сумын төв 8
• Дундговь, Хулд сумын төв 5
• Өмнөговь, Цогт-Овоо сумын төв 5
• Өмнөговь, Цогтцэций сумын төв 5
• Мандалговь хот 50
• Даланзадгад хот 60

B) МАА, газар тариалан, экологи: - 1380

• Усжуулалт (Булган, Төв, Дундговь, Өмнөговь) 1300
• Хүн ам, малын ус хангамжид зориулсанус гаргалгааны 50 цэг 50
• Экологи, ойжуулалт 30

C) Үйлдвэр, уул уурхай: - 965

• Таван Толгойн уурхай, дулааны цахилгаан станц 486
• Оюу Толгойн уурхай 360
• Бусад 119

Ус хэрэглээ, бүгд: - 2500

Булган хотын төвийн үерийн хамгаалалтын системийн зураг төсөл

Тус Компани нь усан оргилуур, усан парк болон бассейны барилгын зураг төсөл зохиох, тоног төхөөрөмж нийлүүлэх, барьж байгуулах ажлын туршлагатай. Бид бассейн, усан парк, усан оргилуур, хөгжимт усан оргилуур, лазер шоуд зориулсан хөгжимт, гэрэлт усан оргилуурын зураг төсөл хийж, тоног төхөөрөмж сонгож, барьж байгуулах ажлыг удирдан зохион байгуулна.

Престиж Инжиниринг ХХК Чаргайтын Усан Цахилгаан Станцын Техник-эдийн засгийн үндэслэл боловсруулах ажлыг СЭХҮТ-тэй хамтран гүйцэтгэсэн.

Энэхүү УЦС нь Хөвсгөл аймгийн Дэлгэрмөрөн гол дээр баригдах ба Төвийн Эрчим Хүчний системд холбогдоно.
Усан сангийн боомтын өндөр - 60м, усан сангийн талбай 43 кв.км.
Суурилагдах хүчин чадал - 24 Мегаватт

Нар, салхины эрчим хүчээр худагаас ус татах систем 

Мал сүргийн усан хангамжийн зориулалтаар баригдсан өрөмдмөл болон богино яндант худгуудын шахуурга, хөдөлгүүрийг орчин үеийн техникээр шинэчлэхэд төслийн зорилго оршино. Ингэхдээ бид Төвлөрсөн цахилгаан хангамжийн сүлжээнд хамрагдаагүй, нарны болон салхины эрчим хүчний нөөц сайтай, малын бэлчээр сайтай бүс нутагт орших, хуучин хэллэгээр суурийн худаг хэмээн нэрлэж байсан 1000 худгийг сонгон авч тэдгээрийн 500-ийг Нарны эрчим хүчээр, 500-ийг Салхины эрчим хүчээр хангах зорилт тавьж байна.

Салхин цахилгаан станц 

Престиж Инжиниринг ХХК 2007 онд Дорноговь аймгийн Мандах сумын төвд 80 кВт чадалтай Салхин цахилгаан станц барьж ашиглалтанд орууллаа. Салхины эрчим хүчний нөөцийн судалгааг СЭХҮТ гүйцэтгэсэн ба станцын тоног төхөөрөмжийг Бэргэй Уиндповэр Компанийн Бээжингийн салбар үйлдвэрээс нийлүүлсэн болно.

Бороо Гоулд компанийн усан хангамжийн систем 

Тус компани Бороогийн алтны үйлдвэрийн зураг төсөл, тоног төхөөрөмжийн ханган нийлүүлэлт ба барилга, тоног төхөөрөмжийн угсралт, туршилт, тохируулгын ажлыг гүйцэтгэн ашиглалтанд оруулсан юм. Үйлдвэрийн ус хангамжийн барилга байгууламж нь 28-50л/сек-ийн ундаргатай 5 гүний худаг, 200м3 багтаамжтай усан сан, 12.5км ус дамжуулах яндан хоолой, 430м3/цаг бүтээлтэй 280 метрийн түрэлттэй өргөлтийн насос станц, ус хангамжийн системийн телеметрийн автомат удирдлага зэргээс бүрддэг.

Тэрчлэн бид дараах төслүүд хэрэгжүүлсэн:

• Шивээ-Овоогийн нүүрсний уурхайн хөрсний ус доошлуулах системийн техник хангамж
• “АПУ“ ХК-ийн үйлдвэрийн зориулалттай гүний ус хангамжийн барилга угсралт
• “Төгрөг нуур” нүүрсний уурхайн хөрсний ус доошлуулах төсөл

Оюу Толгойн усан хангамжийн системийн зураг төсөл 

Үүнд:

• Оюу Толгойн үйлдвэрийн ус хангамж, яндан хоолойн төслийн үнэлгээ
• Австралийн СМЭК компанитай хамтарч Оюу Толгойн ус хангамжийн систем, яндан хоолойн техникийн төсөл
• БНХАУ-ын Инжиниринг, зураг төслийн YREC компанитай хамтарч Оюу Толгойн ус хангамжийн систем, яндан хоолойн ажлын зураг төсөл

Баруун Нарангийн нүүрсний уурхайн ус хангамжийн систем 

Баруун Нарангийн Нүүрс баяжуулах үйлдвэрийн ус хангамжийн систем нь уурхайг технологийн усаар, тосгоны хүн амыг унд, ахуйн усаар байнга найдвартай хангах 14 гүний худаг, ус хуримтлуулах усан сан, 2 шаттай өргөлтийн насос станц, 80 гаруй км урт ус дамжуулах далд яндан хоолой, завсрын усан сангаас бүрдэнэ. Манай компани энэхүү системийн

• Хээрийн хайгуул, судалгаа
• Техникийн төсөл
• Ажлын зураг төслийг тус тус гүйцэтгэсэн болно.

Мардайн ураны уурхайн ус тунгаагуур

• Ус тунгаагуурын зураг төсөл боловсруулсан.
• Гео-текстиль, гео-мембран зэрэг орчин үеийн технологи ашиглан үйлдвэрийн бохир усыг тунгаан дахин ашиглах, хөрсний бохирдлоос хамгаалах тунгаагуурыг барьж байгуулсан болно.

Замын-Үүд хотын ус хангамжийн системийн хайгуул, зураг төслийн ажил

• Усны нөөцийн хайгуул хийх
• Ус олборлож шахах насос станц
• Цэнгэгшүүлэх байгууламж
• Хэрэглэгчдэд ус түгээх сүлжээ
• Бохир усыг цэвэрлэж дахин ашиглах орчин үеийн тоног төхөөрөмж бүхий, бүрэн автомат ажиллагаатай, иж бүрэн цогцолбор байгууламж барихаар төлөвлөсөн болно.

Туул голын сав газрын усны нөөцийн нэгдсэн менежмент 

Улаанбаатар хотын ус хангамжийн чухал эх үүсвэр болдог Туул голын

• Усны нөөцийг зүй зохистой ашиглах, хамгаалах
• Газар доорх далан, хэвтээ ус цуглуулах байгууламж зэрэг дэвшилтэт технологи хэрэглэх замаар аввч ашиглах усны нөөцийг нэмэгдүүлэх
• Сав газрын хэмжээнд усны нөөцийн нэгдсэн менежментийн төлөвлөгөө боловсруулж хэрэгжүүлэх зорилт тавьж байгаа болно.

• Делтарес компани, Нидерландын Вант улс
• Эс Ти Ай Инжиниринг, Япон улс
• Байгаль орчин, аялал жуулчлалын Яам
• Усны газар
• Улаанбаатар хотын захиргаа
• Улаанбаатар хотын УСУГ

• ТАСИС хөтөлбөрт Усжуулалт, ХАА-н тоног төхөөрөмж нийлүүлэх төсөл
• ХХААЯ-ны Ногоон Хувьсгал хөтөлбөрт бага оврын бороожуулах төхөөрөмж нийлүүлэх төсөл
• Орхон голын хөндийд усалгаатай газар тариалан эрхлэхэд хөрс, усны үнэлгээ хийх судалгааны ажил

Тоног төхөөрөмж туршилтын полигон

Престиж Инжиниринг ХХК мал сүргийн ус хангамжийг сайжруулах хэд хэдэн төсөл хэрэгжүүлэхэд амжилттай оролцлоо.
Үүнд:

• НҮБ-ын Хөгжлийн хөтөлбөрийн Бэлчээрийн тогтвортой менежмент төсөл
• ХХААЯ болон АХБ-аас хэрэгжүүлсэн ХАА-н Секторыг хөгжүүлэх төсөл
• ХАА-г хөгжүүлэх Олон улсын сангаас хэрэгжүүлсэн Хөдөөгийн Ядуурлыг бууруулах төсөл
• ЖАЙКА-ийн Малчны фермерийн системийг сайжруулах төлөвлөгөө

ПРЕСТИЖ Инжиниринг ХХК нь Хотын ус хангамжийн салбарт арвин туршлага хуримтлуулсан бөгөөд манай компанийн гүйцэтгэсэн ажлуудаас дараах төслүүдийг дурдаж болно.

• Улаанбаатар хотын Нисэх-Яармаг, Шархад, Хайлааст, Дэнжийн 1000 айл, Толгойт, Баянхошууны гэр хорооллын ус хангамжийн системийн ажлын зураг, тоног төхөөрөмжийн нийлүүлэлт, угсралт, тохируулга, хяналт, сургалт.
• Улаанбаатар хотын цэвэр усны гол шугамуудын хяналтын тоног төхөөрөмжүүд.
• Улаанбаатар хотын Ус хангамжийн системийн Завсрын усан сангийн ус хлоржуулалтын систем.
• Багануур хотын ус хангамжийн гол шугам дээр суурилуулсан ус хлоржуулах системийн зураг төсөл, тоног төхөөрөмж, угсралт.

•  Дөрвөн улирлын цэцэрлэг орон сууцны хорооллын ус хангамж, ариутгах татуургын сүлжээ болон борооны ус зайлуулах системийн зураг төсөл.

•  Улаанбаатар хотын шинээр барилгажих талбай I хороолол - Орбитын орон сууцны хорооллын унд ахуйн усан хангамж, бохир ус зайлуулах шугам, усан сан, өргөлтийн насос станцийн зураг төсөл.

Монгол улсын Засгийн газрын үйл ажиллагааны хөтөлбөрт тусгагдсан 40000 орон сууц хөтөлбөрийн хүрээнд хэрэгжиж буй “Улаанбаатар хотын I хороолол - Орбитын чиглэлийн цэвэр бохир усны шугам, өргөлтийн насос станц, усан сангийн зураг төсөл“, “Улаанбаатар хотын Баянголын амнаас Найрамдал зуслан хүртэлх цэвэр бохир ус, дулааны шугамын угсралтын ажлын зураг төслийг хийж гүйцэтгэсэн юм.”
Уг зураг төслөөр 75600 мянган хүн ам оршин суух томоохон орон сууцны хорооллын ус хангамж, ариутгах татуургын шугам сүлжээ, өргөлтийн насос станц, усан сангийн барилга байгууламжийг шийдвэрлэсэн юм.

• Орон нутгийн хотуудын нийтийн аж ахуйг хөгжүүлэх төслийн хүрээнд манай улсын зүүн болон төвийн бүсийн 8 хот, тухайлбал, Баруун-Урт, Булган, Чойбалсан, Даланзадгад, Мандалговь, Өндөрхаан, Сайншанд, Цэцэрлэг хотуудын ус хангамжийн систем, бохирын усны болон ус ариутгах системийн тоног төхөөрөмж, технологийн шинэчлэлийг гүйцэтгэж байна.